Welhasil: Qedîrê Zulcelal ji madeya esîrê heft tebeq asîman afirandine û rast kirine û bi nîzameke gelek deqîq û ecêb tenzîm kirine û stêr di nav de çandine. Madem Qur’ana mu‘cîzul-beyan xutbeyeke ezelî ye ku bi hemû tebeqên îns û cinan re diaxive. Bêguman, her tebeqeya însanan wê ji her ayeteke Qur’anê behra xwe bistîne û wê di ayetên Qur’anê de wê zimnen û îşareten maneyên zêde û cuda cuda yên wisa hebin ku fêhma her tebeqeyê tetmîn bike. Belê firehiya xîtabata Qur’anê û firehiya ku di mane û îşaretên wê de heyî û ku ji yekî ewam ê herî amî bigre hetanî xewasê herî xas li dereceya fêma wan rîayet dike, belê eva hanê nîşan dide ku her ayetekê wecheke wê ya li her tebeqê dinêre heye. Va ye li gorî vê razê, heft tebeqê însanan ev maneya kulî ya van “heft asîmanan” heft qet maneyên cûrbecûr fêm kirine. Wisa ku:

   Tebeqeke însanan a nêrîna wan kurt û ramana wan teng, ev ayeta

فَسَوَّيهُنَّ سَبْعَ سَمٰوَاتٍ

ê wek tebeqeyên hewayê zanîne. Tebeqeke dî ya însanan a ku bi kozmoxrafyayê gêj bûyî jî, stêrên meşhûr ên di gotina xelkê de wek ‘heft stêr’ tên zanîn û rêgeha wan fêm dikin. Beşeke dî ya însanan, heft dinyayên dî yên dişibihin dinyaya me yên ku bûyî rûniştgeha candaran dizanin. Taîfeyeke dî ya însanan, sîstema rojê dikin heft tebeq û hem digel sîstema me ya rojê heft sîstemên dî yên rojê fêm dikin. Tebeqeke dî ya însanan a ku fikra wan firehtir e, wisa fêm dikin: Ev asîmanên xuya dikin ê ku bi stêran hatine zêravkirin tevekan yek asîman hesab dikin, û dibêjin ev asîmanê dinyayê ye û ji bilî vê şeş tebeqên din ên asîmanan hene. Û heçî tebeqa însanan a heftê ye û tebeqa herî bilind e, heft asîmanan munhesirî alema şehadetê nabînin, belkî wana wisa dizanin: Her yek ji wan alemên axretê û alemên xeybê û alemên dinyayê û alemên mîsalî heft asîman hene ku her yek ji wan zerfeke wê ya mûhît û baneke wê ya biîhate heye. Û wekî wê, di kuliyeta vê ayetê de wek heft qat maneyên tebeqeyên heft qatan gelek maneyên cuz’î yên dî jî hene. Her kes li gorî fêma xwe para xwe jê distîne û ji wê sofreya semawî rizqê xwe digire.   

   Madem masedeqên wisa gelek sadiq ên vê ayetê hene; êrîşa feylesofên bêmejî yên vê demê û kozmoxrafyaya wan a serserî ya ku bi bahaneya înkara asîmanan dişibihe wan zarokên şûm û ehmeq ên bi niyeta ku stêrekê bixin keviran diavêjin stêrên asîmanan. Lewra,