Kitaplar
Rîsaleya Lemeyan

      Ya Sêyemîn: Madem Hekîmê Mutleq îsrafê nake, tiştên beredayî naafirîne. Û madem heyina mexlûqan ji boyî hişmendan e û bi hişmendan digihîjin kemalê û bi hişmendan şêndar dibin û bi hişmendan ji beredayîbûnê rizgar dibin. Û madem em bi çavê xwe dibînin ku ew Hekîmê Mutleq, ew Qedîrê Zulcelal unsurê hewayê, alema avê, tebeqeya axê bi candarên bê hed şêndar dike. Û madem wek çawa hewa û av ji gera (cewelana) heywanan re nabin asteng; madeyên kesîf ên weki ax û kevir ji têbihurîna elektrîk û rontgenê re nabin asteng. Bêguman, ew Hekîmê Zulkemal, ew Sani‘ê Bêzewal, ji navenda dinyaya me bigre heta vî qalikê wê yê ser ku mesken û merkeza me ye, heft tebeqên kullî yên bi hev ve û meydanên wê yên fireh û alemên wê û şikeftên wê vala nahêle. Bêguman ew şêndar kirine. Mexlûqên hişmend ên munasib û muwafiqê şêndarkirina wan aleman afirandine û li wir bi cî kirine. Madem ew mexlûqên hişmend divê ji cinsên firîşteyan û ji cûreyên rûhaniyan bin. Bêguman nîsbet masiyê derya çi be û nîsbet çûkê hewa çawa be, tebeqa herî kesîf û herî hişk nîsbet wan jî ew e. Heta, nîsbet me însanan tîna roja çawa be, divê nîsbet wan mexlûqên xwedan-şu‘ûr ew agirê ecêb ê di navenda erdê de ye jî wisa be. Ew rûhaniyên xwedan-şu‘ûr ji ber ku ji nûrê ne, agir ji wan re dibe wekî nûrê.   

   Ya Çaremîn: Di Nameya Hejdehemîn de derbarê teswîratên ehlê keşfê yên derheqê ecayibên tebeqeyên erdê ku ew teswîratana beya­nên derveyî tewrê aqilin de temsîlek hatiye zikirikirin. Kurtasiya wê ev e: Kureya erdê di alema şehadetê de denkikek e; di alema mîsalê de û di alema berzexê de wekî dareke mezine ku mil bi mil bide asîmanan. Ku ehlê keşfê di kureya erdê de tebeqeyeke xasî îfrîtan weke qonaxa salekê dibînin ew ne di dendika kureya erdê ya di alema şehadetê de ye, belkî ew tezahura çiqilên wê yên di alema mîsalî de ne ye. Madem tebeqeyeke negirîng a erdê di alemeke dî de tezahureke wê ya wisa mezin heye; bêguman dibe ku di muqabilê heft tebeqe asîmanan de heft tebeqe erd bê gotin. Ji bo ku wan xalên ku behsa wan hatî kirin bibîr bixe ayetên Qur’anê bi awayekî îcaz û î‘cazkarane li hemberî van heft tebeqe asîmanan ev erda biçûçik muqabil destnîşan dike.

Hata Bildirim Formu
Sayfalar
123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335336337338339340341342343344345346347348349350351352353354355356357358359360361362363364365366367368369370371372373374375376377378379380381382383384385386387388389390391392393394395396397398399400401402403404405406407408409410411412413414415416417418419420421422423424425426427428429430431432433434435436437438439440441442443444445446447448449450451452453454455456457458459460461462463464465466467468469470471472473474475476477478479480481482483484485486487488489490491492493494
Fihrist
Lügat