yên mîna “Letîf, Kerîm, Hekîm, Rehîm dixwazin ku mewcûdat di sûreteke xweşik de bin, di baştirîn weziyetên mumkin de bin. Û ew navên Cemal û Kemalê dixwazin di nezera firîşte û rûhanî û cin û însanan de spehîtayiyên digel weziyetên spehî yên mewcûdatê û bi edeba wan a spehî ve nîşan bidin. Va ye adaba ku di suneta seniyeyê de ye, nîşane û distûr û nimûneyên vê adaba gewre ne.
NUKTEYA HEŞTEMÎN
Ayeta
لَقَدْ جَاءَكُمْ رَسُولٌ
îla axîr ya beriya
فَاِنْ تَوَلَّوْا فَقُلْ حَسْبِىَ اللّٰهُ
ê piştî ku şefqata tam û re’feteke zêde ya Resûlê Ekrem (s.) a di hember umeta wî de nîşan da, bi vê ayeta
فَاِنْ تَوَلَّوْا
ê dibêje ku: “Ey însanan! Ey musilmanan! Ev zatê şefqetperwer ê ku bi şefqeta xwe ya bêhed û bêhesab we îrşad dike û ji boyî menfîeta we hemû hêza xwe serf dike û bi ehkam û suneta seniyeya xwe ya bi şefqeteke tam anî, birînên we yên manewî derman dike û melhemê lê dide.. Belê, ku mirov şefqeta eşkere ya vî zatî înkar bike û re’feta wî ya dixuye sucdar bike, yanî berê xwe ji suneta wî û ji ehkamên ku wî teblîx kirine bide alî, çiqas bêwîjdanî ye, çiqas bêaqilî ye, zanibin. Û ey Resûlê dilovan û ey Nebiyê xudan-re’fet! Eger ew vê şefqeta te ya mezin û vê re’feta te ya gewre nas nekin û ji bêaqiliya xwe pişta xwe bidin te û bi te guhdarî nekin, mereqan mexwe! Zatê Zulcelalê ku artêşa asîmanan û erdê di bin fermana wî de ye û ê selteneta rubûbiyeta wî li ser textê erşê ezîmê mûhît hukim dike, besî te ye. Wê taîfeyên îtaetker ên rasteqîn li derdora te bicivîne, wê te bi wan bide guhdarîkirin, wê ehkamên te bi wan bide qebûlkirin!”
Erê, di şerîeta Muhemmed û suneta Ehmed de tu mesele tune ku hîkmetên wê yên zêde nebin. Ez ev feqîr, digel hemû kêmasî û qelsiya xwe ve îdîa dikim û ez amade me ku vê doze îsbat bikim. Heftê heştê Rîsaleyên Nûrê yên hetanî niha hatine nivîsîn ketine şûna şahidê sadiq de ku meseleyên suneta Ehmed û şerîeta Muhemmed çiqas xudan-hîkmet û xudan-heqîqet in. Eger yek karibe di vê mijarê de binivîse, ne ku heft, belkî heft hezar Rîsale nikarin hîkmetên wê xilas bikin.
Hem min di şexsê xwe de dîtiye, zewq jê dîtiye, belkî hezar tecrûbeyên min hene ku di meseleyên şerîetê û distûrên suneta seniyeyê de di nexweşiyên rûhî, eqlî û qelbî, xasma di nexweşiyên civakî de
