elema ku ji meqsûdeke ku nizane an jî destê wî negihêjê an jî nikare bigre tê, teseliyê bi dest bixe, dê ji wê meqsûda xwe re qusûran bibîne, belkî dê bi awayekî veşarî neyartiya wê bike û dê wisa xwe teskîn bike. Û madem ev gerdûn ji bo mirovî hatiye afirandin û heçî mirove jî, ji boyî marîfet û muhebeta îlahî hatiye afirandin; û madem Afirînerê vê gerdûnê bi esmayên xwe sermedî ye; û madem cilweyên esmayan wê daîm û mayende û ebedî bin; bêguman û her hal mirov wê here wareke beqayê û wê bibe mezherê jiyaneke mayende; û Muhemedê Erebiyê (s.) ku rehberê herî mezin û însanê herî kamil e û qîmeta mirovî û wezîfeyên wî û kemalata wî daye zanîn; hemû ev kemalata ku me derbarê mirovî de daye zanîn û wezîfeyên wî, bi awayekî herî ekmel wî di şexsê xwe de û di dînê xwe de nîşan daye; bi vî awayî dide nîşandan ku: Wek çawa gerdûn bo mirovî hatiye afirandin û armanc ji gerdûnê mirov e û ew hatiye bijartin; wisa jî, meqsûdê herî mezin ê ji mirovî jî û bijareyê herî hêja û neynika herî geş a Ehed û Semed bêguman Ehmedê Muhemed e.

عَلَيْهِ وَعَلَى آلِهِ الصَّلاَةُ وَالسَّلاَمُ بِعَدَدِ حَسَنَاتِ اُمَّتِهِ

يَا اَللّٰهُ يَا رَحْمٰنُ يَا رَحِيمُ يَا فَرْدُ يَا حَىُّ يَا قَيُّومُ يَا حَكَمُ يَا عَدْلُ يَا قُدُّوسُ نَسْئَلُكَ بِحَقِّ فُرْقَانِكَ الْحَكِيمِ وَبِحُرْمَةِ حَبِيبِكَ اْلاَكْرَمِ وَبِحَقِّ اَسْمَائِكَ الْحُسْنَى وَبِحُرْمَةِ اِسْمِكَ اْلاَعْظَمِ اِحْفَظْنَا مِنْ شَرِّ النَّفْسِ وَالشَّيْطَانِ وَمِنْ شَرِّ الْجِنِّ وَاْلاِنْسَانِ آمِين

سُبْحَانَكَ لاَ عِلْمَ لَنَا اِلاَّ مَا عَلَّمْتَنَا اِنَّكَ اَنْتَ الْعَلِيمُ الْحَكِيمُ

***