Kitaplar
Rîsaleya Lemeyan

şûna mîdeyeke manewî ya ku gelek rizqî bixwaze, daîreya sofreya rizqê wê di xaricê daîreya mumkinatê de fireh kiriye û kiriye ku esmayê îlahî jî têkeve nava wê ku bi wê mîdeyê îsmên Rehman û îsmê Hekîmî bi zewqeke rizqî ya herî mezin hîs bike, bibêje

اَلْحَمْدُ لِلّٰهِ عَلَى رَحْمٰنِيَّتِهِ وَعَلَى حَكِيمِيَّتِهِ

û hakeza, bi vê mîdeya mezin a manewî dikare ji nîmetên îlahî yên bêhed sûd werbigre û taybet daîreyeke din jî ya zewqa hezkirina îlahî di vê mîdeyê de heye.    

   Va ye, hîkmeta ku zatê Heyyê Qeyyûm mirov ji hemû gerdûnê re kirî navendek û kirî medarek û sofreyeke nîmetê ya bi qasî gerdûnê fireh li ber vekirî û gerdûn jê re musexer kirî û gerdûn bi raza qeyyûmiyetê ya ku bi mirovî mezherê wê bûyî, li ser lingan e sê wezîfeyên girîng ên mirovî ne:    

   Ya Yekemîn: Hemû çeşîdên nîmetê yên di gerdûnê de belav bûyî bi mirovî tenzîm bike. Û bi tayê faydeya mirovî wek libên tizbî tenzîm dike, serê tayê nîmetan li serê mirovî girêdide, ji hemû çeşîdên gencîneyên rehmetê re mirovî dixe şûna lîsteyekê.    

   Wezîfeya wî ya Duyemîn: Mirov ji ber cami‘iyeta xwe, ji xîtabata Zatê Heyyê Qeyyûm re muxatebekî herî mukemel e û ji ber ku sen‘etên wî bi heyretkarane teqdîr û tehsîn dike delalekî herî dengbilind e û bi awayekî şuûrdar bi hemû çeşîdên spasiyan, ji enwaê nîmetê û ji qenciyên wî yên çeşîd çeşîd ên bêhed re şukir û hemd û sena dike.

   Wezîfeya wî ya Sêyemîn: Bi jiyana xwe, ji sê aliyan ve neynikdariya şuûnat û sîfetê mûhît ê Zatê Heyyê Qeyyûm dike.    

   Aliyê Yekemîn: Ew e ku, mirov bi ecza xwe ya mutleq qudreta Afirînerê xwe yê mutleq û dereceyên wê û bi dereceyên eczê mertebeyên qudretê hîs bike. Û bi feqra xwe ya mutleq rehmeta wî û dereceyên rehmeta wî têdigihîje û bi jariya xwe hêza wî fêm bike. Û wekî wê, bi sîfetên xwe yên kêm ji wesfên kemalê yên Afirînerî re mîqyaswarî bibe neynik. Ji ber ku di şevê de nûr bêhtir geş dibe, tarîtiya şevê wek çawa ji nîşandana lembeyên elektrîkê re neynikeke mukemel e, mirov jî bi sîfetên xwe yên wisa kêm ji kemalata îlahî re neynikdariyê dike.    

   Aliyê duyemîn: Mirov bi îradeya xwe ya cuz’î û bi ilmê xwe yê hindik û bi qudreta xwe ya biçûçik û bi xwedaniya (malîkiyeta) xwe ya

Hata Bildirim Formu
Sayfalar
123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335336337338339340341342343344345346347348349350351352353354355356357358359360361362363364365366367368369370371372373374375376377378379380381382383384385386387388389390391392393394395396397398399400401402403404405406407408409410411412413414415416417418419420421422423424425426427428429430431432433434435436437438439440441442443444445446447448449450451452453454455456457458459460461462463464465466467468469470471472473474475476477478479480481482483484485486487488489490491492493494
Fihrist
Lügat