werdigrin û tevdigerin û wezîfeyan dibînin. Xusûsen em dibînin ku ew gewdeyên biçûçik ên ji zerreyan pêk tên ên di nav xwîna candaran de ku “erîtrosît û lokosît” ji wan re tê gotin wek gerstêrkan, bi du hereketên muntezem ên mewlewîwarî hereket dikin.    

   Xulaseya xulaseyê: ^(Haşiye) Ji bo ku em li ronayiya qudsî ya ku şeş navên îsmê e‘zem wek heft rengên di nav ronayiyê de hevgirtî û pêk anî binêrin behsêkirina xulaseyeka wê munasib e. Wisa ku: Ji pişt cilweya e‘zem a îsmê Qeyyûm ê ku hemû mewcûdata gerdûnê wisa disekinîne û beqa û qiyamê dide wan, binêre: Cilweya e‘zem a îsmê Heyy hemû ew mewcûdata candaran bi cilweya xwe şu‍‘le daye wan, gerdûn nûranî kiriye, hemû mewcûdata candaran bi cilweya xwe zêrav dike.   

   Niha binêre: Di pişt îsmê Hey de, cilweya e‘zem a îsmê Ferdê hemû gerdûnê bi enwa’ û eczayê xwe ve distîne di nav wehdetekê de; di eniya her tiştî de sikeyeke wehdetê datîne; mohreke ehediyetê li rûyê her tiştî dide; bi zimanê bêpayan û bêhed cilweya xwe dide îlankirin.    

   Niha di pişt îsmê Ferd de li cilweya e‘zem a îsmê Hekem binêre ku ji stêran bigre hetanî zerreyan, her yek ji wê mewcûdata ku me bi du dûrbînên xiyalê lê temaşe kirî, cuz’î be kullî be, ji mezintirîn daîreyê hetanî biçûktirîn daîreyê, ji her yekê re bi awayekî layiq û munasib xistiye di bin nîzameke mêwedar û întîzameke bihîkmet û însîcameke semeredar de, hemû mewcûdat xemilandiye û zêrav kiriye.   

   Piştre ji pişt li cilweya e‘zem a îsmê Hekem binêre ku bi cilweya e‘zem, wek çawa di Nukteya Duyemîn de hatiye ravekirin, hemû gerdûn bi mewcûdata wê ve, di nav fealiyeteke daîmî de bi mîzan û pîvanên wisa heyretengîz îdare dike ku cirmek ji ecramên asîmên di saniyeyekê de dengeya xwe winda bike, yanî ji bin cilweya navê Edl derbikeve, wê bibe sedema geremola (hercûmerc) di nav stêran de û rabûna qiyametekê.   

   Va ye daîreya herî mezin a hemû mewcûdatê ji herêma herî mezin a ku jê re kakêşan tê gotin bigre, hetanî daîreya tevgera erîtrosît û lokosîtên (kureywatê hemre û beyda) di nav xwînê de, her daîreyeke ji wan, her mewcûdeke wan, bi awayek û bi weziyeteke ku bi pîvaneke hesas hatî pîvan, bi temamî ji artêşa stêran bigre hetanî artêşa zerreyan, hemû mewcûdat nîşan didin ku ew bi musexeriyeteke tam îtaeta fermanên ku ji emrê

كُنْ فَيَكُونُ

tên, dikin.