Nukteya Pêncemîn a Lem‘eya Sîhemîn

بِسْمِ اللّٰهِ الرَّحْمٰنِ الرَّحِيمِ

   Nukteyeke ayeta

فَانْظُرْ اِلَى آثَارِ رَحْمَتِ اللّٰهِ كَيْفَ يُحْيِى اْلاَرْضَ بَعْدَ مَوْتِهَا  اِنَّ ذلِكَ لَمُحْيِى الْمَوْتَى وَهُوَ عَلَى كُلِّ شَيْءٍ قَدِير

û ayeta

اَللّٰهُ لاَ اِلٰهَ اِلاَّ هُوَ الْحَىُّ الْقَيُّومُ لاَ تَاْخُذُهُ سِنَةٌ وَلاَ نَوْمٌ

û cilweyeke îsmê Hey ku îsmê e‘zem e an jî ziyayeke ji wan herdu ziyayên îsmê e‘zem e an jî nurek ji wan şeş nûran e di meha şewala şerîf de, di Girtîgeha Eskîşehîrê de, dûredûr ji aqila min re xuya bû. Di dema xwe de nehat tomarkirin û zû me nikarî nêçîra wê çûka pîroz bikira. Piştî ku dûr ket, qet nebe bi hin remzan emê hin şû‘ayên wê heqîqeta ekber û nûra e‘zem nîşan bidin.    

   Remza Yekemîn: Eger were pirsîn: “Jiyana ku ji cilweyeke e‘zem a îsmê Hey û îsmê Muhyî çi ye? Mahiyeta wê û wezîfeya wê çi ye?”, bersiveke fîhrîstewarî eve ye ku:

   Jiyan, armanca herî girîng a vê gerdûnê ye, hem encameke wê ya herî mezin e, hem nûra wê ya herî geş e, hem havêneke wê ya herî letîf e, hem xulaseyeke vê ya gelek dawerivî ye hem mêweyeke wê ya herî tekûz e hem kemala wê ya herî fezîletdar e, hem cemala wê ya herî bedew e, hem xemla wê ya herî spehî ye hem raza wehdeta wê ye, hem rabiteya îtîhada wê ye, hem kaniya kemalata wê ye hem ji hêla sen‘et û mahiyetê ve candarekî wê ya xarîqetirîn e hem heqîqeteke wê ya mucîzekar e ku mexlûqa herî biçûk dixe hukmê gerdûnekê, hem heçko dibe wesîleya ku gerdûn di candarekî herî biçûk de bi cî bibe wisa fihrîsteyeka gerdûna qerase di candarekî de nîşan dide, digel wê jî, mucîzeyeke qudretê ya xarîqetirîn e ku wî candarî bi piraniya mewcûdatê re têkildar dike û dixe hukmê gerdûneke biçûk de, hem sen‘eteke îlahî ya fewqelade xarîqe ye ku cuz’eka biçûk bi jiyanê bi qasî kulleka herî mezin, mezin dike û ferdekî jî wek kullê dixe şûna