Va ye ji ber vê raza mezin e ku wek çawa Qur’ana mu‘cîzul-beyan tewhîd û ferdiyetê bi gelek tekrar û bi herareteke xurt û bi şêrînayiyeke gelek zêde ders dide, hemû pêxember û esfiya û ewliya hemû zewqên xwe yên mezin û bextewariyên xwe di vê peyva tewhîdê ya

لَا اِلٰهَ اِلَّا هُوَ

de dibînin.   

   Îşareta Heftemîn: Va ye, rîsaleta Muhemed (s.) a ku bi hemû mertebeyên xwe ve bi awayekî herî mukemel vê tewhîda teseliya rasteqîn dide û îsbat dike, bêguman divê di dereceya qetiyeta wê tewhîdê de sabit be. Çunkî, madem tewhîda ku heqîqeta herî mezin a daîreya wicûdê ye, bi hemû heqîqetên xwe ve ew zat ders dide: Bêguman dikare were gotin ku hemû burhanên ku tewhîdê îsbat dikin ji aliyekê ve rîsaleya wî û heqaniyeta wezîfeya wî û rastiya doza wî jî qet‘î îsbat dikin. Belê, rîsaleteka ku hezaran heqîqetên wisa bala kom kirî û ferdaniyet û wehdaniyet baş keşf kirî û ders dayî; bi awayekî gelek qet‘î pêwistiya wê tewhîdê ye, wê ferdiyetê ye, lazima wê ye. Wana her hal wê dixwazin.

   Va ye, gelek delîl û sebebên zêde hene ku şahidiyê dereceya ehemiyet û ulwiyeta şexsiyeta me‘newî ya Zatê Ehmed eleyhîsselatû weselam ê ku ev wezîfe bêkêmanî bi cî aniye û ew Rojeka gerdûnê ye, dikin, ku em wek nimûne sê ji wan beyan bikin:   

   A yekemîn: Wek çawa li gor raza

اَلسَّبَبُ كَالْفَاعِلِ

mislekî hemû xêrên ku hemû umetê di hemû qernan de kirî dikeve deftera xêran a Zatê Ehmed (s.); ew duayên selewatan ên ku hemû umet her roj didin bi qet‘î tên qebûlkirin; dema mirov wî meqam û wê memrtebeya ku wan duayên bêhed pêwist dikin, dihizrîne, tê zanîn ku şehsiyeta manewî ya Muhemed (s.)di nava vê gerdûnê de çi Rojek e!   

   A duyemîn: Mahiyeta Muhemmed (s.) a ku jêderk û dendik û jiyan û sedema dara mezin a alema Îslamê ye, bi îstîdad û cîhazên xwe yên fewqelade; tereqiyata wî ya rûhî ya ku serê pêşî ew wan kelîmat û tesbîhat û îbadetên ku manewiyata alema Îslamê teşkîl dikin bi maneyên wan ve hîs dike û bi cî tîne, bifikire; zanibe ku welayeta ubûdiyeta Muhemed a ku derketî dereceya hebîbiyetê ji welayetên dî çiqas bilindtir e!   

   Demekê, înkîşafa tesbîheke tenê ya di nimêjeke tenê ya bi awayekî nêzî terza telaqiya sehabeyan de wek di dereceya meheke îbadetê, girîng xuya bû. Min bi wê, qîmeta bilind a sehabiyan zanî. Nexwe di