Di vê dema dirêj de, tevî ku min bi hezaran carî dubare dikir jî ne ez bêzar dibûm, ne ew tama ku dida kêm dibû û ne jî hewcedariya giyanî ya bo wan ji holê radibû. Çûnkî ji ber ku hemû ew tefekurat çirûskên ayetên Qur’anê bûn, cilweyeke taybetmendiya ayetan a ku bêzar nake û şêrîniya xwe muhafeze dike di neynika wê tefekurê de temesul kiriye.   

   Vê dawiyê min dît ku girêkên jiyanê (uqdeyê heyatê) yên xurt û nûrên geş ên di parçeyên Rîsaleê Nûrê de ne çirûskên wê silsileya tefekuratê ne. Ez fikirîm ku ew bandora li min kirî dibe ku li zatên dî jî bike, min niyet kiribû ku di dawiya temenê xwe de hemûyan binivîsim. Gerçî gelek parçeyên girîng hatine xistin di nav Rîsaleyan de; bes dê di heyeta mecmûeya wan de hêz û qîmeteke din hebe.    

   Ji ber ku dawiya temenî ne diyar e, mehkûmiyeta min û rewşa min a vê girtîgehê ketiye awayeke wisa ku ji mirinê xerabtir e, ji ber wê çendê ez li benda dawiya jiyanê nemam, li ser îsrar û îlhaha birayê min min neguhert û ew silsileya tefekuratê li ser “Heft Baban” hate nivîsîn.   

   Ji ber ku piraniya van cûre heqîqetên pîroz, di tesbîhatê nimêjê de hate bîra min û her yek ji wan peyvên pîroz ên wek subhanellah, elhemdulîllah, ellahûekber, laîlaheîllellah ji ber ku ketibûn şûna çavkaniyekê, pêwist bû ku eynen wek tertîba di tesbîhatê nimêjê de hatiba nivîsîn.. lê wê demê aloziya halê min ê tecrîdê ew tertîb xera kiribû. Niha babeta (babê) yekem ê wê Lem’eyê dê derbarê subhanellahê de be; yê duwem dê derbarê elhemdulîllahê de be; yê sêyem dê derbarê ellahûekberê de be; yê çarem dê derbarê laîlaheîllellahê de be. Ji ber ku gelek Şafi‘î hene ku wek çawa piştî tesbîhatê nimêjê û piştî duayê, sîh û sê caran subhanellah, elhemdûlîllah û ellahûekberê dixwînin, eynen wisa jî sîh û sê caran laîlaheîllellahê jî dixwînin.   

   Babê Çarem ¹ , du beş in (du fesl in). Beşa yekem, wirdeka navdar û girîng a Hezretê Xizir e û ji destpêkê û ji esasî di me‘rîfetullahê de û di mertebeyên tewhîdê de şêst û sê mertebeyan nîşan dide. Her yek ji wan şêst û sê mertebeyan du cumle ne. Wek çawa laîlaheîllellah wehdaniyetê îsbat dike, ew navên ku bi

هو

yê dest pê kirî jî wicûda