ve -ji ber qasidiya wî ya Heqê bo xelqê- silavê dixwaze. Wek çawa bi qasî hejmara cin û mirovan layiqî silavê ye û bi qasî hejmara cin û mirovan bîeta nû ya umûmî pêşkêş dikin. Eynen wisa jî bi qasî hejmara ehlê asîmanan ji gencîneya rehmetê li ser navê her yek ji wan layiqî selatê ye. Çunkî bi wê nûra ku wî aniye, kemala her tiştî tê dîtin û qîmeta her mewcûdî diyar dibe û wezîfeya rebbanî ya her mexlûqekî tê dîtin û meqsedên îlahî yên ku di her mesnûekê de ne tecelî dike. Ji ber wê çendê her tişt, wek çawa lîsanê wan ê hal heye, lîsanê wan ê qal jî hebûya dê bigotana

اَلصَّلَاةُ وَالسَّلاَمُ عَلَيْكَ يَارَسُولَ اللّٰهِ

ji ber ku eva hanê qet‘î ye, em li ser navê wan hemûyan me‘nen dibêjin:

اَلْفُ اَلْفِ صَلَاةٍ وَاَلْفُ اَلْفِ سَلَامٍ عَلَيْكَ يَارَسُولَ اللّٰهِ بِعَدَدِ الْجِنِّ وَلْإِنْسِ وَبِعَدَدِ الْمَلَكِ وَالنُّجُومِ

فَيَكْفِيكَ اَنَّ اللّٰهَ صَلَّى بِنَفْسِهِ وَاَمْلاَكَهُ صَلَّتْ عَلَيْهِ وَسَلَّمَتْ

Seîdê Nûrsî

* * *

   Birayê min ê delal!

   Hûn derbarê wehdetul-wucûdê de hinek îzahatê dixwazin. Di Lem‘eyeke Nameya Sihûyekê de, li hember fikra Hezretî Muhyedîn a di vê meseleyê de bersiveke gelek xurt û îzahkirî heye. Niha em dikarin vêya bibêjin ku:

   Telqîna vê meseleya wehdetul-wucûdê ji bo mirovên vê demê re zerara girîng dide. Wek çawa dema teşbîh û temsîl ji dest xewasî bikeve destê ewamî wê heqîqet bê hesibandin. ^(Haşiye) Eynen wisa jî, ku heqîqetên ‘ulwî yên wek meseleya wehdetul-wucûdê bikeve nav ewamê ku ehlê xefletê ne û di nav esbabî de ne, wê siruşt bê hesibandin û wê sê zererên girîng bide:    

   Yekemîn: Meşreba wehdetul-wucûdê, di eslê xwe de ew e ku li ser hesabê Cenabê Heq heçko gerdûnê înkar bike.. Dema bikeve ewamê, ewama xafil, taybet bikeve fikrên ku bi ramanên ku alûdeyî madeperestan bûyî, dikeve rêyeke wisa ku li ser hesabê gerdûn û madiyatê înkara ulûhiyetê bike.