dûr ve li me dinêre. Ev ayeta ku ji ehlê delaletê re nazil bûye ji wan ra ezab e. Bes bo me ji bo tezkiyeya nefsê û kefareta gunehan û bilindkirina dereceyan sîleya şefqetê ye. Ji ber ku me nîmeta îlahî ya di destê me de ye tam teqdîr nekiriye me sîle xwariye, delîla wê jî ev e ku: Hewesa terîqetê ya yên qenaeta wan bi xizmeta me ya qudsî ya Qur’anê ya bi Rîsaleê Nûrê ku mucahedeyeke manewî ya herî qudsî dihewîne û bi raza weraseta nubuwwetê mezherê feyza welayeta kubra ye neanîn û niha hindik menfeeta wan bo me heyî û ji vê weziyeta me re zerera wan muhtemel bi hişyariya min a tund û çend carî, pêşiya wê hate birrînê. Eger na, hem wê yekîtiya me xera kiriba hem wê bi teşetutê efkar a ku ‒ji hezar û sed û yazdehan ku bi palpiştiya çar elîfan pêk hatî dadixîne qîmeta çaran‒ re rû bi rû bima; hem wê bi tenafurî qulûb ku “li hember vê bûyera gelek mezin hêza me dike tune” re rû bi rû bima.
Şêx Se‘diyê Şîrazî ê xwediyê ‘Gulistanê’ neqil dike, dibêje: “Min yekî ehlê dil li tekyayê dît ku bi seyr û silûkê ve mijûl bû. Piştî çend rojeke dî min (ew şexs) li medresê, di nav xwendekaran de dît. Min gotê: ‘te çima terka wî dergahê feyîzdar kir û hatî vê medreseyê? ’ wî jî wisa got: ‘Li wir her kes dikare nefsa xwe xilas bike –eger bi ser bikeve. - Lê li vir ev şexsiyetên hîmetbilind hewl didin ku digel xwe, gelekan jî xilas bikin. Alîcenabî û alîhîmetî di van de ye. Fezîlet û hîmet di van de ye. Ji ber wê çendê ez hatime vir. ’” Şêx Se‘dî ev bûyera hanê bi kurtî di Gulistanê de nivîsiye.
Gelo meseleyên biçûçik ên serf û nehwê yên xwendekaran ên wek (nesere, neserû, neseret...) li ser wirdên di dergahî de were girtin, Rîsaleê Nûrê ku heqîqetên qudsî yên îmanê yên di
اٰمَنْتُ بِاللّٰهِ وَمَلَائِكَتِهِ وَكُتُبِهِ وَرُسُلِهِ وَبِالْيَوْمِ الْاٰخِرِ
de bi awayekî herî qet’î û eşkere dersê dide, zindîqên herî engirok û feylesofên herî mutemerîd disekinîne û dersê dide wan (îca) em dest ji wê berdin, yan jî qetûbir bikin (felç-sekte) yan jî qenaeta xwe bi wê neînin û bi hewesa terîqetê, bêyî ku destûrê ji Rîsaleê Nûrê bistînin têkevin xangehên hatîn girtin; (eva hanê) nîşan dide ka ew çiqas şaş e û emê çiqas bibin musteheqê vê sîleya me ya şefqetê?
Seîdê Nûrsî
***
