Eynen wekî wê, carinan di madeyeke cîsmanî de ewçend maneya nîmet û rehmetê heye ku, sed caran ji madeya xwe zêde girîng dibe. Adeta madeya wan a cismanî tê veşartin; hukim li aliyê wê yê nîmetiyetê dinêre. Wek çawa ku faydeyên mezin û semereyên gelek ên hesin, madeya wî ya madî vedişêre, van heywanên bimbarek ên mezkûr jî, ku hebûna nîmetê di her azayê wan de, goya madeya wan a cismanî veguherandiye bi nîmetê. Ji ber wê çendê ye ku bêyî ku hukmê madeyên wan ên cismanî bête danîn li ber çavan, behsa sîfetên wan ên manewî hatiye kirin û bi

وَأَنزَلْنَا وَأَنزَلَ

hatiye tabîr kirin.    

   Erê, wek çawa

وَأَنزَلْنَا وَأَنزَلَ

ji hêla heqîqetê ve nukteya derbasbûyî îfade dikin, ji hêla belaxetê ve jî bi awayekî mûcîzane maneyeke girîng îfade dikin. Wisa ku:    

   Hesin ji ber ku digel fitreta xwe ya gelek hişk û digel veşarîtî û kûratiya xwe li her derê amade ye û her wiha taybetmendiyeke wisa jê re hatiye îhsankirin ku wek hevîr dikare were nermkirin.. Ji bo ku were îfadekirin ku her kes, li her derê, di her karê xwe de bi hêsanî dikare bi dest bixe, bi gotina

وَأَنزَلْنَا الْحَدِيدَ

yê goya wek nîmetên fitrî û semawî aletên hesin ji jor, ji destgehekê hatiye daxistin û hatiye dayîn bo destê mirovî.

   Hem ji cinsê heywanatan, ji pêşûyê bigre ta bi mar, dûpişk, gur, şêr, digel rewşên xwe yên ji mirovan re zirardar, mexlûqatê mezin ên wek gamêşa mezin û ga û hêştir ku ji girîngtirîn heywanatan e gelek û gelek musexer û mûtî kiriye û heta hefsarê hêştirê xistiye destê zarokekî zeîf û jê re daye îtaetkirin, da ku vê maneyê îfade bike ku bi gotina

وَأَنْزَلَ لَكُم مِنَ الْأَنْعَامِ ثَمَانِيَةَ

goya ev heywanên bimbarek ne heywanên dinyayê ne ku di nava wana da veciniqîn û zirar hebe. Belkî wek heywanên bihişteke manewî faydedar in û bêzerer in. Îfade dike ku ji jor, yanî ji gencineya rehmetê hatine daxistin. Ya ku hinek mufesiran derbarê van heywanan de gotine ku “Ji bihiştê hatine xwarê” dibe ku ji ber vê maneyê çêbûye. ^(Haşiye) Ji herfeke Qur’ana Hekîm re rûpelek