guhekê; ev îşaret dike ka herfên Qur’ana Hekîm çiqas girîng û çiqas qîmetdar û çiqas hawildar û heyatdar in, û ayet bi maneya xwe ya îşarî wisa dibêje: “Qur’an, ku kelamê Xwedê ye, ewqas heyatdar û ewqas xudanqîmet e ku eger hemû derya bibin hibir û hemû firîşte bibin nivîsevan û zere û nutfe û nebat û mû bibin qelem hejmara guhên ku li wê guhdarî dikin û wê seh dikin û hejmara wan peyvên pîroz ên dikevin wan guhan de nikarin xilas bikin.”   

   Erê, nikarin xilas bikin; çunkî eger Cenabê Heq hejmara gotinên zeîf û bêruh ên beşerî li hewa qasî milyonan zêde bike, bêguman her kelîmeyeke kelamê padîşahê bêmîsal ê erd û asîmanan ên li erd û asîmanan dinêrin û xîtabî hemû hişmendên erd û asîmanan dikin wê qasî zereyên hewayê bibin kelîme.    

   Peyva Pêncan: Du herf in:    

   Herfa Yekê: Wek çawa kelîmeyên sifatê Kelamê hene, wisa jî kelîmeyên mucesem ên Qudretê jî hene; kelîmeyên qederî yên bihîkmet ên ilmî jî hene ku hemû mewcûdat e. Taybet her yek ji candaran, xasma ji mexlûqên biçûk kelîmeyeke rebbanî ne ku bi awayekî ji kelamî hê xurtir îşaretî Mutekelimê Ezelî dikin. Û maneyê wê ev e ku derya bibin hibir nikarin xilas kin, ev ayet wek remz li maneya wê dinêre.    

   Herfa Duduyê: Hemî îlhamên ku ji hemî firîşte û mirovan re, heta ji hemî heywanan tên, bi awayekî kelamê îlahî ne. Kelîmeyên vî kelamî bêguman bêpayan in. Ayet xeberê dide me ku ilhama ku leşkerên bêpayan ên Selteneta mutleq bêetlehî werdigrin ka kelîmeyên fermanên îlahî çiqas zêde û çiqas bêpayan in; ev tê wê maneyê.

اَلْعِلْمُ عِنْدَ اللّٰهِ

لَا يَعْلَمُ الْغَيْبَ اِلاَّ اللّٰهُ

***