Kitaplar
Rîsaleya Lemeyan

   NUKTEYA ÇAREMÎN: Bi munasebeta Nukteya Çaremîn, emê bi kurtî meseleyekê destnîşan bikin ku ew mesele di navbera Şî‘a û Ehlê Sunet û Cemaetê de bûyî sedema gelemşeyê (nîzaê), heta ewqas hatî mezinkirin ku têkeve nav kitêbên eqîdeyê yên îmanê û têkeve rêza esasî ya îmanê. Mesele ev e:

   Ehlê Sunet û Cemaet dibêjin ku: “Hezretî ‘Elî (r.) ji wan çar xelîfeyan ê çarê ye. Hezretî Siddîq (r.) efdeltir e û xelîfetî bêhtir heq kiribû ku pêşî ew bû xelîfe.” Şîa dibêjin ku: “Heq ê Hezretî ‘Elî bû. Neheqî lêhat kirin. Yê ji hemûyan efdeltir Hezretî ‘Elî ye. (r.)” Kurtasiya wan delîlên ku ji boyî mafdarbûna doza xwe tînin eve ye: Dibêjin: “Hedîsên pêxember ên derheqê Herzretê ‘Elî (r.) de hatîn gotin, Hezretî ‘Elî (r.) bi înwana xwe ya Şahê Welayetê bûye jêderka (merce‘) piraniya ewliya û terîqetan û di ilmî de û di mêrxasî û îbadetê de sîfetên wî yên xarîqulade û Hezretî Pêxember (s.) eleqeyeke gelek zêde daye wî û daye Ehê Beyta ku ji wî teselsul bûyî (evên hanê) nîşan didin ku efdeltirîn ew e. Xelîfetî her dem heqê wî bû, jê hat xesbkirin.” 

   Bersiv: Îqrara Hezretî ‘Elî bixwe ya dubare dubare û ya ku ji ser bîst salan re peyrewiya hersê xelîfeyan kirî û di meqamê şeyxulîslamiya wan de mayî vê doza Şîeyan pûç derdixîne. Hem fethên Îslamê û rûdanên mucahedeya neyaran ên di dema xelîfetiya hersê xelîfeyan de û rûdanên di dema Hezretî ‘Elî de dîsa doza Şîeyan a derbarê xelîfetiya îslamê de pûç derdixîne. Nexwe, doza Ehlê Sunet û Cemaetê heq e.

   Eger bê gotin: Şîa dudu ne. Yek Şîayê Welayet e, yê dî Şîayê Xîlafet e. De bila ev beşa duyemîn bi tevilkirina xerez û siyasetê neheq bin. Bes, di beşa pêşî de xerez û siyaset tuneye. Halehal Şîayê Welayetê tevlî Şîayê Xîlafetê bûne. Yanî, beşeke ewliyayên ehlê terîqetê Hezretî ‘Elî (r.) efdel dibînin, doza Şîeyê Xîlafetê yên di aliyê siyasetê de ne tesdîq dikin.

   Bersiv: Divê ji du aliyan ve li Hezretî ‘Elî were nêrîn. Aliyek, ji hêla kemalat û mertebeya wî ya şexsî ve, aliyê duduyan ji hêla temsîlkariya şexsê manewî ya Ehê Beytê ye. Heçî şexsê manewî yê Ehê Beytê ye, hinekî mahiyeta Resûlê Ekrem (s.) nîşan dide. Va ye ji hêla xala pêşî ve di serî de Hezretî ‘Elî (r.) hemû ehlê heqîqetê Hezretî Ebûbekir û Hezretî Umer didin pêş. Di xizmeta Îslamiyetê û nêzîkbûna Xwedê de meqamê wî bilindtir dîtine. Ji aliyê xala duyemîn ve Hezretî ‘Elî (r.) nûnerê şexsê manewî yê Ehê Beytê ye û şexsê manewî yê Ehê Beytê jî heqîqeteke Muhemmedî temsîl dike, ji vî aliyî ve nayê muwazenekirin.

Hata Bildirim Formu
Sayfalar
123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335336337338339340341342343344345346347348349350351352353354355356357358359360361362363364365366367368369370371372373374375376377378379380381382383384385386387388389390391392393394395396397398399400401402403404405406407408409410411412413414415416417418419420421422423424425426427428429430431432433434435436437438439440441442443444445446447448449450451452453454455456457458459460461462463464465466467468469470471472473474475476477478479480481482483484485486487488489490491492493494
Fihrist
Lügat