tesunuî‘ û xodfiroşî derbas nekim ezê di qowûşa tecrîdê de bimînim. Bes, qedera îlahî û qismetê me em ber bi çîlexaneyeke dî ve ajotin. Li gorî raza
اَلْخَيْرُ فِى مَا اخْتَارَهُ اللّٰهُ
* عَسَى اَنْ تَكْرَهُوا شَيْئًا وَهُوَ خَيْرٌ لَكُمْ
ê înayeta îlahî li extiyariya min hatiye merhemetê û her weha ji bo ku di xizmeta îmanê de hê bêhtir me bide şuxulandin, bêyî îrade û qudreta me, di vê medreseya Yûsifiyeyê ya sêyemîn de wezîfe da (me).
Belê înayeta îlahî, merhemeten ji bo pîrîtiya min, ew şkeftên ku mexsûsî xortaniya min a ku neyarên wê yên xurt û nihên nebûyî, veguherande bi menzîlên tecrîda munferid a girtîgehê, di vê yekê de sê hîkmet û sê faydeyên girîng ji xizmeta Nûrê re hene:
Hîkmet û faydeya yekemîn: Vî zemanî kombûna bêzerer a şagirdên Nûrê di medreseya Yûsifiye de dibe… Hevdîtin û sohbeta li derve bi mesref û gumanbar e. Heta hin hebûn ku, ji bo ku bi min re hevdîtinê pêk bînin çil pêncî lîre xerc dikirin, yan bîst deqîqeyan ez didîtim, yan jî bêyî hevdîtin vedigeriyan, diçûn. Ji bo ku hinek birayên xwe ji nêz ve bibînim min zehmetiya girtîgehê bihezkirin qebûl dikir. Nexwe girtîgeh bo me nîmetek e, rehmetek e.
Hîkmet û faydeya duyemîn: Vî zemanî xizmeta îmanê bi wasîteya Nûran wisa dibe: Li her alî werin îlankirin û nezera diqeta hewcedaran were celbkirin. Eve bi girtîgeha me nezera diqetê bo Nûran tê celbkirin û dikeve dewsa îlanatekê jî. Yên herî zêde engirok (înadkar) in, yan jî yên hewce ne wê dibînin û îmana xwe xilas dikin û înada wan dişikê, ji talûkê rizgar dibin û dersxaneya Nûrê fireh dibe.
Hîkmet û faydeya sêyemîn: Şagirtên Nûrê yên ketî girtîgehê ji halên hev, ji xûyên hev, ji îxlas û fedakariyên hev dersê distînin, digel wê jî di xizmeta Nûran de li berjewendiyên dinyewî jî nagerin.
Belê, di medreseya Yûsifiyeyê de ji ber ku bi gelek emareyan bi çavên xwe dîtine ku her diltengî û zehmetekê deh belkî sed qatî faydeyên madî û manewî û encamên xweş û xizmetên xalis û fireh ên bo îmanê hene, ji ber wê jî muyeserî îxlasa tam dibin û êdî tenezulî menfîetên cuz’î û xusûsî nakin.
Letafetek û rewşeke dilkovan lê şêrîn a van çîlexaneyan heye ku mexsûsî bi min ve ye. Wisa ku:
Di dema xortaniyê de, rewşa medreseya min a berê ya min li welatê me dîtî, ez eynê rewşê dibînim. Ji ber ku li gorî adeta berê ya
