wê ya derbarê min de jî yek be, derbarê Afirînerê min de hezar in. Nexwe, jiyana gavek tenê ya li gorî razîbûna îlahî bes e, demeke dirêj naxwaze. Ev heqîqeta hanê bi çar meseleyan tê beyankirin. Yên ne mirî bin yan jî yên dixwazin sax bin, bila di nav wan çar meseleyan de li mahiyeta jiyanê û li heqîqeta wê û li huqûqa wê ya rasteqîn bigerin, peyda bikin, zînde bibin. Xulaseya wê eve ye:
Jiyan her ku li zatê Heyê Qeyûm binêre û îman jî ji jiyanê re bibe jiyan û rûh, wê beqayê bibîne, hem jî wê mêweyên baqî bide. Hem wê wisa bilind bibe ku wê cilweya sermediyetê bistîne; êdî li kurtbûn û dirêjbûna temenî nayê nêrîn.
Şeşemîn Mertebeya Nûriyeya Hesbiye: Di nav bûyerên êxirzeman ên ji xerabûna dinyayê xeber didin ên di hengameya jiheveqetîna umûmî de extiyarî ku hişyariya veqetîna min a taybet dida û di dawiya ‘emrê min de dema ku hestên cemalperestî û bedewperweriyê û meftûniyeta kemalatê yên di fitreta min de bûn bi hesasiyeteke derî adet (fewqelade) înkîşaf bûn de, min bi hişmendî û kovaneke derî adet dît ku zewal û fenaya ku texrîbatker in û mirin û edema ku daîmî tefrîqker in, bi awayekî hêwilnak vê dinyaya xweş û van mexlûqên delal dihincirînin û parçe parçe dikin û xweşikiyên wê xera dikin. Dema eşqa mecazî ya ku fitreten bi min re hebûye li hemberî vê rewşê bi awayekî dijwar hate galeyanê û serî rakir, ji bo ku wesîleyeka teseliyê bibinîm dîsa min serî li vê ayeta hesbiyeyê da. Got: “Min bixwîne û bi baldarî li maneya min binêre.”
Ez jî ketim resedxaneya ayeta
اَللّٰهُ نُورُ السَّمٰوَاتِ وَاْلاَرْضِ
(îla axîr) ê ya di sûretê Nûrê de ye û bi dûrbîna îmanê min li tebeqeyên herî dûr ên vê ayeta Hesbiyeyê û bi hûrbîna (mîkroskopa) şu‘ûra îmanê li hûrtirîn razê wê nêrî, min dît ku:
Wek çawa neynik, şîşe, tiştên şefaf û heta peqok jî tîrêjên rojê yên nihên û çeşîd çeşîd û bedewiyên wê û cûrbecûr xweşikiya heft rengê wê roniyê nîşan didin; û bi nûbûyin û hereketên xwe û bi qabiliyetên xwe yên cuda cuda û bi şkestinên xwe wê cemal û spehiyê taze dike; û bi şikestinên xwe bedewiyên nihên yên rojê, roniya wê û heft rengê wê xweş îzhar dike. Eynen wisa jî ji bo ku ji cemala qudsî ya Cemîlê Zulcelal, ku Şemsa Ezel û Ebed e re û ji bo ku ji bedewiyên sermedî yên Esmayê Husna yên bêdawî dellal in re neydikdariyê bikin û
