Erê vê ayetê ragihand ku: Madem Cenabê Heq heye; ew di berdêla her tiştî de ye. Madem ew baqî ye; bêguman ew bes e. Cîlweyeke tenê ya înayeta wî dikeve cihê dinyayê hemûçkê. Û cilweyeke nûra wî jiyana manewî dide wan hersê cenazeyên mezin ên behsa wan hatî kirin; û nîşan dide ku ew ne cenaze ne, belkî wezîfeyên xwe bi cî anîne û çûne alemên din. Di Lem‘eya Sêyemîn de ji ber ku raveya vê razê derbas bûye, ezê wê bes bibînim, lê li vir ezê tenê vêya bêjim ku: Gotina
يَا بَاقِى اَنْتَ الْبَاقِى، يَا بَاقِى اَنْتَ الْبَاقِى
ya du caran ku maneya ayeta
كُلُّ شَيْءٍ هَالِكٌ اِلاَّ وَجْهَهُ
ê nîşan dide, ez ji wê rewşa gelek elemnak rizgar kirim. Wisa ku:
Cara pêşî min got
يَا بَاقِى اَنْتَ الْبَاقِى!
Di nav birînên manewî yên bêhed û bêhesab ên ji zewala dinyayê û ji zewala ehbabên bêhed ên wek Evdirehman ku ez bi wan ve eleqedar im û her weha ji qutbûna rabiteyan çêdibe (neş’et dike) wek ameliyata cerahiyê tedawiyekê dest pê kir. Cumleya
يَا بَاقِى اَنْتَ الْبَاقِى!
ya cara duyemîn ji wan hemû birînên manewî yên bêhed re hem bû melhem, hem bû tiryaq. Yanî “tu baqî yî. Yê diçe bila biçe tu bes î. Madem tu baqî yî; di berdêla her tişta ku tune dibe de cilweyeke rehmeta te bes e. Madem tu heyî yî; ji bo wî mirovê ku bawerî bi heyîna te aniye û bi wê baweriyê întîsaba xwe zaniye û bi raza Îslamiyetê, li gorî wê întîsabê hereket kiriye, her tişt heye. Fena û zewal, mirin û edem perdeyek e, nûbûnek e, di şûna gera di qonaxên cuda cuda de ye”, ku ez vêya fikirîm, ew haletê rûhiye yê bişewat, bifirqet, bikovan, elemnak, tarî, bidehşet veguherîn haleteke rûhanî ya kêfxweşî, şênî, bilezet, nûranî, şêrîn, hogirî. Zimanê min û qelbê min, belkî hemû zerreyên laşê min bi lîsanê hal gotin “Elhemdu lîllah.”
Va ye ji hezarî, cuz’ek cilweya rehmetê ev e ku: Ez ji wê newala huzingaha xwe û ji wî haletê ku kovanê dide, vegeriyam Barlayê. Min dît ku xortek ê bi navê Mustefayê Kuleoniyî hatiye ku derbarê ilmuhalê de û çendik meseleyên derheqê destnimêj û nimêjê de bipirse. Wê demê herçiqas min mêvan qebûl nedikirin jî, (lêbelê) herwekî rûhê
