Belê ji extiyaran re, ji masûman re, bes ne ku binêre lêzimên xwe tenê, belkî ehlê îmanê –madem bi raza îmanê biratiya rastî heye– rastî wan werin, extiyarê nexweş û muhterem hewceyî wî bibin, xizmeta wan a bi rûh û can muqtezaya Îslamê ye.
DERMANÊ BÎST Û PÊNCEMÎN: Ey birayên nexweş! Eger hûn tiryaqeke gelek faydedar, dermanê her derdî û ya rasteqîn û xweş û pîroz bixwazin, îmana xwe bidin înkîşafkirin. Yanî bi tobe û îstîxfarê û bi nimêj û ubûdiyetê wê îmana ku tiryaqa pîroz e û dermanê ku ji wê îmanê tê bi kar bînin.
Belê, ehlê xefletê ji ber ku ji dinê hez dikin û eleqeya wan a bi dinyayê ve heye, wicûdeke wan a manewî ya qasî dinyayê mezin û nexweş heye. Lê heçî îman e, me di gelek rîsaleyan de îsbat kiriye ku şîfayê dide hemû wan derbeyên zewal û fîraqê yên wek dinyayê û her weha şîfayê dide wicûda wî ya manewî ya di nav kul û birînan de û ji birînan xilas dike, şîfaya rasteqîn dide. Ji bo ku serê we gêj nekim ez kurt vedibirim. Heçî dermanê îmanê ye, hetanî mumkin be ferz werin cî, wê bandora xwe nîşan bide. Xeflet û sefahet û daxwazên nefsê û lîstikên nemeşrû’ ji bandora wî dermanî re dibin asteng. Nexweşî madem xefletê radike, îştahê nahêle, ji keyfa nemeşeru’ re dibe asteng, nexwe jê îstîfade bikin. Derman û nûrên qudsî yên îmana rasteqîn digel tobe û îstîxfarê û digel dua û niyazê bi kar bînin.
Cenabê Heq şîfayê bide we. Nexweşiyên we bike keffaretu’z-zunûb. Amîn, amîn, amîn.
اَلْحَمْدُ لِلّٰهِ الَّذِى هَدَينَا لِهذَا وَمَا كُنَّا لِنَهْتَدِىَ لَوْلاَ اَنْ هَدٰينَا اللّٰهُ لَقَدْ جَاءَتْ رُسُلُ رَبِّنَا بِالْحَقِّ
سُبْحَانَكَ لاَ عِلْمَ لَنَا اِلاَّ مَا عَلَّمْتَنَا اِنَّكَ اَنْتَ الْعَلِيمُ الْحَكِيمُ
اَللّٰهُمَّ صَلِّ عَلَى سَيِّدِنَا مُحَمَّدٍ طِبِّ الْقُلُوبِ وَدَوَائِهَا وَعَافِيَةِ اْلاَبْدَانِ وَشِفَائِهَا وَنُورِ اْلاَبْصَارِ وَضِيَائِهَا وَعَلَى آلِهِ وَصَحْبِهِ وَسَلِّمْ
* * *
