Kitaplar
Rîsaleya Lemeyan

NUKTEYA DUYEMÎN

   Di fitreta însên a li hember beqayê evîneke pir zêde heye. Heta heçî tişta ku jê hez dike, ji aliyê quwweya wahîme ve wehmeke beqayê jê dike, paşê jê hez dike. Kengê mitaleya zewala wê bike yan jî bibîne wê kûrekûr bike hawar. Ew hawarên ku ji van veqetînan hemûyan derdikevin, tercûmanên wan girînan in ku ji eşqa beqayê têne. Eger wehma beqayê nebe nikare hez bike. Heta mirov dikare bibêje ku: Sedemeke heyîna alema beqayê û bihişta ebedî, daxwazeke beqayê ya gelek xurt a ji eşqa beqayê ya zêde ya di mahiyeta însên de ye û her weha duaya umûmî ya fitrî ya ji bo beqayê tê kirine ku Baqiyê Zulcelal ew daxwaza fitrî ya gelek xurt û ew duaya umumî ya bihêz û bandordar qebûl kiriye ku ji însanên fanî re alemeke baqî afirandiye.

   Qet qabil e ku Fatirê Kerîm, Xaliqê Rehîm arzûya cûz’î ya mîdeya biçûk û duaya wê (mîdeyê) ya bi lîsanê hal a ji boyî beqayeke demkî, bi îcada xwarinên cûrbecûr ên tamxweş ên bêhed û hesab qebûl bike, lê arzûya gelek xurt a hemû însanan a ji hewcehiyeke fitrî ya gelek mezin tê û duaya wî ya gelek xurt a derbarê beqayê de ya kullî, daîmî, mafdar, dilsoz, devkî û halî qebûl neke? Haşa sedhezar carî haşa. Ne qabil e ku qebûl neke. Hem qet ne laîqî hîkmet, edalet, rehmet û qudreta wî ye.

   Madem însan evîndarê beqayê ye, bêguman hemû kemalat û lezetên wî bi beqayê ve ne. Û madem beqa mexsûsî Baqiyê Zû-l Celal e û madem esmaya (navên) Baqî baqî ne û madem neynikên Baqî rengê Baqiyî digre, hukmê wî distîne û mezherî cûreke beqayê dibe. Bêguman karê ku herî zêde ji mirovî re pêwist e û wezîfeya herî girîng ew e ku mirov pêwendiya bi Baqiyî re bi dest bixe û xwe bi esmaya (navên) wî ve girêbide. Lewra her tişta ku di riya Baqiyî de were sefkirin mezherî cûreyeke beqayê dibe. Va ye ew cumleya dawî ya

يَا بَاقِى اَنْتَ الْبَاقِى

yê vê rastiyê îfade dike. Birînên manewî yên însanî ku bêhed û bêhesab in, derman dike, digel wê çendê wê arzûya wî ya gelek zêde ya di fitreta wî de ye bi wê tetmîn dike.

NUKTEYA SÊYEMÎN

   Li vê dinyayê bandora zemanî ya li ser fena û zewala tiştan gelek muxtelif e. Û le belê mewcûdat bixwe mîna daîreyan di nav hev de bin jî lê ji aliyê zewalê ve hukmên wê cuda cuda ye. Wek çawa

Hata Bildirim Formu
Sayfalar
123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335336337338339340341342343344345346347348349350351352353354355356357358359360361362363364365366367368369370371372373374375376377378379380381382383384385386387388389390391392393394395396397398399400401402403404405406407408409410411412413414415416417418419420421422423424425426427428429430431432433434435436437438439440441442443444445446447448449450451452453454455456457458459460461462463464465466467468469470471472473474475476477478479480481482483484485486487488489490491492493494
Fihrist
Lügat