Lem‘eya Bîst û Duyemîn

   Ez vê Rîsalekoka xwe ya gelek mehrem ku beriya bîst û du salan min li nehiyeya Barlayê ya Ispartayê, ji birayên xwe yên herî mehrem û xas û xalis re nivîsîbû, ji ber ku eleqeya wê bi gelê Ispartayê û bi hukumeta wê re nîşan daye ji Waliyê dadwer (‘adil) ê Ispartayê re û ji dadgeh û ji zabitaya wê re pêşkêş dikim. Eger munasib were dîtin yan bi herfên nû yan jî yên berê, bi daktîloyê, bila çendik nusxe werin nivîsîn ku yên ev serê bîst û pênc sîh salan e li razên min digerin û çavnêriyê li min dikin zanibin ku çi razên me yê veşarî nîne. Û raza me ya herî veşarî aha ev Rîsale ye, bila zanibin.

Seîdê Nûrsî

Îşaratê Selase

(Ku Meseleya Sêyemîn a Notaya Hevdehemîn a Lem‘eya Hevdehemînê bû, ji ber dijwarî û şumûla pirsên wê û ji ber hêz û geşbûna wê, wek Lem‘eya Bîst û Duyemîn a Nameya Sîh û Yekemînê tevlî Lemeatê bû. Pêwist e Lem‘eyan rê bidin vê Lem‘eyê. Mehrem e, taybet bo birayên me yên herî xas û xalis û dilsoz in.)

وَمَن يَتَوَكَّلْ عَلَى اللّٰهِ فَهُوَ حَسْبُهُ إِنَّ اللّٰهَ بَالِغُ أَمْرِهِ قَدْ جَعَلَ اللّٰهُ لِكُلِّ شَيْءٍ قَدْرًا

   Ev mesele “Sê Îşaret in.

   ÎŞARETA YEKEMÎN   

   Pirseka girîng a aidî şexsê min û Rîsaleê Nûrê: Ji aliyê gelekan ve tê gotin ku: “Digel ku tu tevlî dinyaya ehlê dinyayê nabî jî, sebeb çi ye ku ewana dema fersenda xwe bibînin tevlî axreta te dibin? Halehal qanûna tu hukumetan tevlî ‘yên terka dinyayê kirî’ û yên munzewî nabin..”