manewî ya mezin gorî şeref û şohreteke hindik a şexsî û xwefiroşane û reqabetkarane bike. Belê, qelb û eql û ruhê şagirdên Rîsaleyê Nûrê tenezulî tiştên wisa adî û zererdar û suflî nake. Bes, di her kesî de nefsa emare heye. Carinan jî hestên nefsê xwe li damaran didin û ji eksa qelb û eql û ruhî de hukmê xwe hinekî pêktîne. Ez qelb û ruh û eqlê we tuhmetbar nakim. Ewleyiya min li wê bandora ku Rîsaleyê Nûr daye, tê. Bes nefs û hewa û hest û wehim carinan dixapînin. Ji ber wê çendê ye ku carinan hûn bi dijwarî tên hişyarkirin. Ev dijwarî li nefs û hewa û hest û wehmê dinêre; biîhtiyat tevbigerin.
Belê, eger ekola me şêxîtî bûya wê meqam yek bûya yan jî wê meqamên mehdûd hebana. Wê gelek îstî‘dad bibana berendamê wî meqamî. Mumkin bû ku xodxemiyek xibtekarane heba. Bes ekola me biratî ye. Bira nikare bibe bavê birayî, nikare xwe bixe di rewşa murşidî de. Meqamê ku di biratiyê de ye fireh e; nabe sedema muzahemeyeke xibtekarane. Nihayet bira dibe alîkar û piştevanê biayî, xizmeta wî temam dike. Di ekolên pederane û murşîdane de ji aliyê hirsa sewabê ya xibtekarane ve û ji aliyê hîmetbilindiyê ve encamên gelek zirardar û xeternak çêdibin; delîla vê jî encamên gelek xeternak ên dijberî û reqabetên di kemalat û faydeyên ewqas girîng û mezin ên ehlê terîqetê ne ku ew hêza wan a mezin û pîrozwer nikare xwe li ber bayên bid‘eyê bigre.
ASTENGA SÊYEMÎN: Tirs û temayî ye. Ev astengî digel hin astengiyên dî bi temamî di Hucûmatê Site de hatiye şîrovekirin, ji ber wê çendê em hewaleyî wir dikin û em hemû Esmayên Husna dikin mehdervan û ji Cenabê Erhemû’r Rahîmîn dixwazin ku me di îxlasa tam de serfraz bike. Amîn.
اَللّٰهُمَّ بِحَقِّ سُورَةِ اْلاِخْلاَصِ اِجْعَلْنَا مِنْ عِبَادِكَ الْمُخْلِصِينَ الْمُخْلَصِينَ آمِينَ آمِينَ
سُبْحَانَكَ لاَ عِلْمَ لَنَا اِلاَّ مَا عَلَّمْتَنَا اِنَّكَ اَنْتَ الْعَلِيمُ الْحَكِيمُ
Ev Nameyeke Taybet e Bo Hin Bîrayên Min
Ezê ji wan birayên xwe yên ku ji nivîsê kerixîne û di van Sêmehên ku mehên îbadetê ne de ewradên dî li ser nivîsîna Rîsaleya Nûrê ya ku ji pênc aliyan ve îbadet tê hesabê (Haşiye) re digrin re nukteyeke ya du hedîsên şerîf bibêjim.
