û xiyalên te dîwarên wê gelek fireh bûne. Di wê dinyaya teng de bi tehrîka musîbetekê tu xwe bileqînî, tuyê serê xwe li wî dîwarê ku tu dûr zen dikî, bixî. Dê wê xiyala ku di serê te de ye bifirîne, xewa te biherimîne. Tu dê wê demê bibînî ku ew dinyaya te ya fireh ji gorê tengtir e, ji pirê bêhtir bê musaade ye. Dema te û temenê te ji birûskê leztir derbas dibin; jiyana te ji çem bêhtir bilez diherike.
Madem jiyana dinyayê û jiyana cismanî û jiyana heywanî wisa ye. Ji heywaniyetê derbikeve, dest ji cismaniyetê berde, têkeve dereceya jiyana qelb û rûhî. Tu dê daîreyeke heyatê û alemeke nûrê ya ji wê dinyaya ku gelek fireh wehim dikî, firehtir bibînî.
Va ye mifteya wê alemê (ew e ku tu) bi kelîmeya qudsî ya Laîlaheîllellahê ya ku razên me‘rîfetulah û wehdaniyetê îfade dikin, bi qelbî bidî gotin, ruhî bidî xebitandin.
NOTAYA PAZDEHEMÎN: Sê Mesele ne.
Meseleya Yekemîn: Ayeta
فَمَنْ يَعْمَلْ مِثْقَالَ ذَرَّةٍ خَيْرًا يَرَهُ وَمَنْ يَعْمَلْ مِثْقَالَ ذَرَّةٍ شَرًّا يَرَهُ
ye ku teceliya mukemel a îsmê Hafiz îşaret dike. Eger tu ji vê heqîqeta Qur’ana Hekîm re delîlê bixwazî, ku tu li rûpelên vê kîtaba gerdûnê ya ku li ser mîstara Kîtaba Mûbîn nivîsandî binêrî, tu dê ji gelek aliyan ve karibî cilweya e‘zem a îsmê Hafiz û nezîreya heqîqeta kubra ya vê ayeta kerîmeyê bibînî. Bi kurtasî:
Ji tovên cûrbecûr ên dar, kulîlk û giyayan kulmekê bixe destê xwe. Wan tovên têvel û dijberê hev û ji cûreyên cuda cuda.. Wê kulma ku di hukmê sindoqçeyên kulîlkên cûrbecûr û dar û giyayan de ne, di ciheke tarî û di axa ku ew bixwe jî tarî û besît û bêcan e de veşêre û bireşîne. Paşê, bi wê ava besît û bêpîvan û ya ‘tiştan ji hev cuda nake’ û ‘tu berê wê bidî kuderê diçe’ avbide. Paşê, di demsala biharê ya ku meydana heşra salane ye, were binêre. Bala xwe bide wê dema ku melekê re’d ê wekî îsrafîl di biharê de, li barana wekî nefxa sûrê dike qêr, bi nefxa ruhî mizgîniyê dide wan kulîlkên ku di bin axê de veşartî ne, ku ew tovikokên tevlîhev, hatîn tevlîhevkirin û dişibihin hevdu, di bin teceliya îsmê Hafiz de, bi îtaeteke tam, bêyî şaşî fermana ewamirê tekwînî ya ku ji Fatirê Hekîm hatî bi cî tînin. Hem bi hereketeke wisa guncaw dikin ku di hereketên wan de hişmendiyek, besîretek, qesdek, îradeyek, ilmek, kemalek, hîkmetek geş dibe, wisa xuya dike.
