vedike, digre û kom dike li ku? Eger tu dînîtiyê bikî û tewehumeke wisa ji te re çêbibe û tu bibêjî ku di wê zerreyê de çavekî wisa heye ku herfên hûr ên wê kîtabê bixwîne, wê demê tu dikarî hewl bidî ku şahidiya wê zerreyê red bikî. Erê, Fatirê Hekîm, distûrên Kîtaba Mûbînê bi awayekî gelek xweşik û bi terzekî kurt û di lezeteke xas de û bi hewceyiyeke mexsûs kom dike û dixe tê de. Eger her tişt bi lezeteke xas û bi hewceyiyeke mexsûs kar bike, hingê bi nezanî li gorî distûrên wê Kîtaba Mubîn tevdigere.
Mînak: Pêşûya bixurtûm, di wê deqîqeya ku tê dinyayê ji mala xwe derdikeve, nasekine, êrîşî rûyê mirov dike, bi çoyê xwe yê dirêj ava heyatê (xûn) dide pijiqandin, vedixwe. Di reva ji ber hucûmê de, wekî komûtanê herbê meharetê nîşan dide. Gelo kê ev sen‘et, ev ilmê cengê û ev sen‘etê avderxistinê hînî vê mexlûqa biçûk, bêtecrûbe û nûzayî kiriye? Û li kuderê hîn bûye? Ez, yanî ev Seîdê neçar, li xwe mukir têm ku eger ez di şûna wê pêşûya bixortim de bama, minê ev sen‘et, ev cenga kerûferê (vurkaç), ev xizmeta avderxistinê piştî dersên gelek dirêj û gelek tecrûbeyan ancax ez hîn bibama.
Va ye, heywanên mîna mêşhingiv û pîrhevoka ku mezherî îlhamê bûyî, û bilbilê ku hêlîna xwe wekî goreyê çêkirî, qiyasî vê mêşê bike. Heta tu dikarî nebatan jî qiyasî heywanan bikî. Belê, Cewadê Mutleq (c.c.) tezkereyeke ku bi hibra lezetê û ji murekeba hewcedariyê nivîsî, daye destê her ferdekî candar û bi wê bernameya ewamirê tekwînî û fêhrista xizmetê bo wan daye. Li wî Hekîmê Zulcelal binêre, ji distûrên Kîtaba Mûbîn mîqdara ku aidî wezîfeya mêşhingivê ye di tezkereyekê de nivîsye û xistiye wê sindoqçeya di serê mêşhingivê de. Mifteya wê sindoqçeyê jî lezeteke bi xasî mêşhingiva wezîfeperwer e. Sindoqçeyê bi wê vedike, bernameyê dixwîne, fermanê fêm dike, hereket dike, raza ayeta
وَاَوْحَى رَبُّكَ اِلَى النَّحْلِ
diyar dike.
Va ye, eger te ev Notaya Heştemînê hemû bihîstîbe û te tam fêm kiribe, tu dê bi feraseteke îmanî raza
وَرَحْمَتِي وَسِعَتْ كُلَّ شَيْءٍ
û heqîqeteke
وَاِنْ مِنْ شَيْءٍ اِلاَّ يُسَبِّحُ بِحَمْدِهِ
û distûreke
