temenê wê heye jî, lê dîsa jî hê li meydanê ye. Wek rêzek (satir) dirêj a ji tarîxa qedîm a mucesem û mutehacir û manedar ku bi destê însanî li ser rûyê erdê hatiye nivîsîn, dide xwendin.
Pirsa we ya Sêyemîn: Derbarê kuştina Decalî ya bi destê Hezretî Îsa, hem di Nameya Yekemîn de, hem di Nameya Pazdehemîn de bersiveke gelek kurt û têra we bike, heye.
***
بِاسْمِهِ
*
وَاِنْ مِنْ شَيْءٍ اِلاَّ يُسَبِّحُ بِحَمْدِهِ
اَلسَّلاَمُ عَلَيْكُمْ وَرَحْمَةُ اللّٰهِ وَبَرَكَاتُهُ
Birayên min ên ezîz, fedakar, sidîq û wefadar Xoce Sebrî (r.) û Hafiz ‘Elî (r.),
Ku min ji pirsa we ya gelek girîng a derbarê “Muxeyebatê Xemse” ya di dawiya Sûretê Loqman de bersivek dixewst, lê mixabin vê gavê rewşa derûniya min û ehwalê min ê madî ji bo wê bersivê ne munasib e. Bes, emê du xalên ku pirsa we temasê wê dike wisa gelek kurt destnîşan bikin.
Maneya vê pirsa we nîşan dide ku, ehlê îlhadê wek rexne li dema lêkirina baranê û li çawaniya cenîna di zikê dê de ku ji xuyûbatê xemse ne, îtîraz kirine. Wisa gotine: “Di resedxaneyan de bi aletekê dema lêkirina baranê tê zanîn. Ji bilî Xwedê hin dî jî wê dizanin. Hem bi tîrêjên (şu‘a) rontgenê tê zanîn ku cenîna di zikê dê de ka kur e an keç e. Nexwe qabil e ku xuyûbatê xemse were zanîn?”
Bersiv: Dema lêkirina baranê ji ber ku bi tu qaîdeyan ve ne girêdayî ye raste rast bi vîna taybet a Xwedê ve girêdayî ye û tabiê îradeya xusûsî ya ji xezîneya rehmetê ye; hîkmeta wê jî eve ye:
Di gerdûnê de heqîqeta herî girîng û mahiyeta herî qedirbilind nûr û wicûd û heyat û rehmet e ku ev her çar tişt bêperde, bê wasît û raste rast li qudreta îlahî û li vîna taybet a îlahî dinêrin. Di mesnûatê dî de esbabê zahirî ji teserufa qudretê re dibin perde. Û ew qanûn û qaîdeyên rêkûpêk (muntezem) ji îrade û meşîetê re piçekê dibin perde. Bes di wicûd û heyat û nûr û rehmetê de ew perde nehatine danîn. Lewra raza hîkmeta wan perdeyan di wî karî de cereyan nake.
Madem di wicûdê de heqîqeta herî girîng rehmet û jiyan e, nexwe baran çavkaniya heyatê ye û sebeba rehmetê ye, belkî rehmet bixwe ye.
