Kitaplar
Rîsaleya Lemeyan

   Belê, di nav mexlûqên bêhed û hesab de û di nav kesreteke bêdawî de, mîna daîreyên di nav hev de, ji sikeyên herî mezin heta sikeyên herî biçûk cûre û mertebeyên sikeyên wehdetê hene. Bes ew wehdet çiqas jî bin dîsa di nav kesretê de wehdetek e. Nikare bi awayekî rastî xîtaba rasteqîn te’mîn bike. Ji ber wê çendê pêwist e li pey wehdetê sikeya ehediyetê hebe; ta ku kesretê neyîne bîrê. Rasterast di hember Zatê Eqdes de ji qelbî re veke.    

   Hem ji bo ku berê xelkê bide sikeyê ehediyetê û qelban celb bike, li ser wê sikeya ehediyetê nîgareke gelek cazîbedar û nûreke gelek geş û cemaleke gelek şêrîn û dilnewaz û sikeyeke rehmetê û mohreke rehîmiyetê ku heqîqetên gelek xurt in; daniye. Belê hêza wê rehmetê ye ku nezera hişmendan celb dike, dikêşe xwe, digihîne sikeya ehediyetê. Û Zatê Ehedî dide fikirandin û ji wê mezherî xîtaba hêqîqî ya di

اِيَّاكَ نَعْبُدُ وَاِيَّاكَ نَسْتَعِينُ

ê de ye dike.    

   Va ye, ji ber ku “Bîsmîllahîrehmanîrehîm” fîhrîsteya Fatîheyê ye û xulaseyeke kurt a Qur’anê ye, ji ber wê çendê bûye înwan û ter­cûmanê vê raza mezin a behsa wê hatî kirin. Yê vê înwanê bixe destê xwe, dikare di tebeqeyên rehmetê de bigere. Û yê wî tercûmanî bide axaftin wê hînî razên rehmetê bibe û wê nûrên rehîmiyetê û şefqetê bibîne.

   RAZA PÊNCEMÎN: Di hedîseke şerîf de hatiye gotin ku:

اِنَّ اللّٰهَ خَلَقَ اْلاِنْسَانَ عَلَى صُورَةِ الرَّحْمنِ

-ew kema qal- Hin ehlê terîqetê ev hedîs bi awayekî sosret, ku ne munasibî eqîdeyên îmanê ye, şîrove kirine. Heta hin ji wan ku ehlê eşqê ne, bi nezera sûretê Rehman li sîmayê manewî yê însanî nihêrîne. Ji ber ku di beşeke mezin a ehlê terîqetê de sekr û di piraniya ehlê eşqê de îstîxraq û îltîbas heye, dibe ku ewana di têgihana (telaqî) xwe ya dijberî heqîqetê de mazûr bin. Bes yên hişê wan li serê wan be, ji aliyê fikrê ve nikarin maneyên ku dijberî eqîdeya wan a esasi ye, qebûl bikin. Eger qebûl bikin şaş in.    

   Belê Zatê Eqdes ê îlahî ê ku hemû gerdûn wek qesrekê, wek xani­yekê bi awayekî birêkûpêk bi rê ve dibe û stêran mînanî zerreyan bi awayekî bihîkmet û hêsan difitilîne û digerîne û zerreyan mînanî karmendên muntezem dide şuxulandin, (belê wî zatî)

Hata Bildirim Formu
Sayfalar
123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335336337338339340341342343344345346347348349350351352353354355356357358359360361362363364365366367368369370371372373374375376377378379380381382383384385386387388389390391392393394395396397398399400401402403404405406407408409410411412413414415416417418419420421422423424425426427428429430431432433434435436437438439440441442443444445446447448449450451452453454455456457458459460461462463464465466467468469470471472473474475476477478479480481482483484485486487488489490491492493494
Fihrist
Lügat