اَللّٰهُمَّ صَلِّ عَلَى سَيِّدِنَا مُحَمَّدٍ وَعَلَى آلِهِ الطَّيِّبِينَ الطَّاهِرِينَ اْلاَبْرَارِ وَعَلَى اَصْحَابِهِ الْمُجَاهِدِينَ الْمُكْرَمِينَ اْلاَخْيَارِ آمِينَ

Meqama Duyemîn

   Ji hezaran razên

بِسْمِ اللّٰهِ الرَّحْمٰنِ الرَّحِيمِ

ê derbarê şeş razan de ye.    

   Hişyarî: Nûreke geş a Bismilayê ya ji aliyê rehmetê ve ji dûr ve ji aqilê min ê zelûl re xuyabû. Min xwest ku wê ji nefsa xwe re di awayê notayê de qeyd bikim. Min xwest ku bi qasî bîst-sîh razan li derdora wê nûrê çemberekê xêz bikim, bi vî awayî nêçîra wê bikim û wê zeft bikim. Bes, mixabin niha ez di wê xwesteka xwe de tam bi ser neketim. Ji wan bîst-sîhan dageriya pênc-şeşê.    

   Dema ez dibêjim “ey însan!” mebesta min nefsa min e. Ev ders ku xasî nefsa min be jî, bes bi niyeta ku ew zatên ku ji aliyê rûhî ve bi min re munasebetdar in û nefsa wan ji nefsa min hişyartir in sûdê jê werbigrin, wek “Meqama Duyemîn a Lem‘eya Çardehemîn” vêya ji erêkirina birayên xwe yên mudeqiq re dihêlim. Ev dersa hanê ji aqilî zêdetir li qelbî dinêre, ji delîlê bêhtir li zewqê dinêre.

بِسْمِ اللّٰهِ الرَّحْمٰنِ الرَّحِيمِ

قَالَتْ يَا اَيُّهَا اْلَمَلاُ اِنِّى اُلْقِىَ اِلَىَّ كِتَابٌ كَرِيمٌ اِنَّهُ مِنْ سُلَيْمنَ وَاِنَّهُ بِسْمِ اللّٰهِ الرَّحْمٰنِ الرَّحِيمِ

   Di vî meqamî de dê çend raz bên zikirkirin.    

   RAZA PÊŞÎ: Min cilweyeke «bismilahirehmanirehîm»ê aha wisa dît: Di sîmayê gerdûnê de, di sîmayê erdê de û di sîmayê însanî de sê sikeyên rubûbiyetê yên di nav hevdu de û nimûneyên hevdu nîşan didin, hene.

   Yek ji wan: sikeya mezin a ulûhiyetê ye ku ji alîkarîhevkirin, piştgirî, hembêzkirin û bersivdayîna tevahiya gerdûnê xuya dike ku “bîsmîllah” li wê dinêre.    

   Ya duyemîn: sikeya mezin a rehmaniyetê ye ku ji teşabuh, tenasub,