hîkmetên wê çendê hene ku Resûlê Ekrem (s.) ew ebayê li xwe dikir avêtibû ser Hezretî ‘Elî (r.) û Hezretî Fatîme (r.) û Hezretî Hesen û Huseyn û ji wan re bi ayeta

لِيُذْهِبَ عَنْكُمُ الرِّجْسَ اَهْلَ الْبَيْتِ وَيُطَهِّرَكُمْ تَطْهِيرًا

dua kiribû. Emê behsa razên wê nekin. Bes hîkmeteke wê ya ku bi wezîfeya rîsaletê ve girêdayî eve ye:

   Resûlê Ekrem (s.) bi nezera xeyb-aşîna û îstîqbal-bîn a nubûwetê dîtiye ku piştî sîh-çil salan dê di nav sehabe û tabi‘înan de fitneyên mezin çêbibin û wê xûn bê rêtin. Dîtiye ku di nav wan şexsiyatên herî bijare de ew hersê şexsiyetên di bin ebayê wî de ne. Ji bo ku Hezretî ‘Elî (r.) di nezera umetê de paqij û bêrî bike û li ber dilê Hezretî Huseynî (r.) bide û wî teselî bike û ji ber ku wî bi lihevhatinê fitneyeke mezin rakiriye, şerefa wî û faydeya wî ya mezin a ji umetê re kirîbû îlan bike û her weha da kû îlan bike ku zuryeta Hezretî Fatîme wê tahir û rûmetyar bin û wê layiqê înwana bala ya Ehlê Beytê bin, belê, ji ber van xusûsan Pêxember (s.) ew ebayê ku înwana “Xemseyê Alê Eba” ye bexş dike, digel xwe bi wan çar şexsan de kiriye.    

   Belê, çendan Hezretî Elî (r.) xelîfeyekî bîl-heq bû. Bes, ji ber ku ew xwîna hatî rijandin gelek girîng bû û beraeta wî ya di nezera umetê de li ser hesabê wezîfeya rîsaletê girîng bû, lewma Resûlê Ekrem (s.) bi vî awayî wî tebriye dike. Aligirên êrîşkar ên Xaricî û Emewiyan ku wî rexne dikin û xetakirî û wek ehlê delaletê dibînin, dawetî sikûtê dike. Belê tefrît û tedlîla alîgirên îfratkar ên Xaricî û Emewiyan ên derbarê Hezretî Elî (r.) de û îfrata Şîiyan a ji ber rûdana gelek fecî û cîgersoj a Hezretî Huseyîn û her weha bid‘eyên wan û teberriya wan a ji Şeyxeynî gelek zirar daye ehlê Îslamê.    

   Va ye Resûlê Ekrem (s.) bi vî ebayî û bi vê duayê Hezretî Elî (r.) û Hezretî Huseyîn (r.) ji mesûliyet û ji îthamê, umeta xwe jî ji sûuzena derheqê wan de xilas kir; her weha Hezretî Hesenî jî ji ber wê lihevhatinê û ji ber wê qenciya ku li umetê kirî ji aliyê wezîfeya rîsaletê ve tebrîk dike û îlan dike ku nesla mubarek a zuryeta Hezretî Fatîme (r.) wê di alema Îslamê de înwana Ehlê Beytê bigire û wê şerefeke ‘alî bidest bixe û Hezretî Fatîme (r.) wê mîna diya Hezretî Meryem a ku gotî

اِنِّى اُعِيذُهَا بِكَ وَذُرِّيَّتَهَا مِنَ الشَّيْطَانِ الرَّجِيمِ

wê ji aliyê zuryetê ve gelek rûmetyar bibe.