Va ye lîsanê mucîzulbeyan ê nebewî îşaretî vê munasebetê û vê nezaretê kiriye û ew herdu cûre mexlûqên girîng ên dinyayê îma kiriye û gotiye َ

اَلْاَرْضُ عَلَى الثَّوْرِ وَالْحُوتِ

û heqîqeteke ku meseleyên gelek kûr û berfireh û bi qasî rûpelekê dihewîne bi cumleyeke tenê ya gelek spehî û kurt îfade kiriye.    

   Wechê Duyemîn: Wek mînak: Eger wisa bê pirsîn: “Ev dewlet û ev seltenet li ser çi disekine?” Di bersivê de wê wisa were gotin:

عَلَى السَّيْفِ وَالْقَلَمِ

   Yanî, “Xwe dispêre mêrxasî û hêza şûrê leşkerî û dirayet û dadweriya qelema karmendî.” Eynen wisa jî madem dinya meskenê candaran e û fermandarê candaran jî mirov e û aboriya beşeke mezin a xelkên li ber deryayê li ser masî ye û aboriya beşa dî ya ne li ber deryayê jî bi çandiniyê ye û li ser milê ga ye û sebebeke girîng a bazirganiya wan masî ye. Bêguman, wek çawa dewlet li ser şûr û qelemê ye, tê gotin ku dinya jî li ser ga û masî disekine. Lewra kengê ga kar neke û masî jî bi milyonan hêkan bi hev re neke wê demê mirov nikare bijî, jiyan radiweste, dê Xaliqê Hekîm jî dinyayê xera bike.    

   Va ye Resûlê Ekrem (s.) bi bersiveke gelek mu‘cîzane, gelek bala û gelek bihîkmet wisa gotiye:

اَلْاَرْضُ عَلَى الثَّوْرِ وَالْحُوتِ

   Heqîqeteke berfireh a (derbarê wê çendê de ku) jiyana cinsê însanî ka bi jiyana cinsê heywanî re çiqas eleqedar e bi du peyvan ders daye.    

   Wechê Sêyemîn: Li gorî nêrîna kozmoxrafya berê Roj digere. Ji her sîh dereceyên rojê re bircek tê gotin. Eger di navbera stêrên wan bircan de xeteke ferezî ya wan bi hev ve girêbide were kişandin, dema rewşeke tenê hasil bibe, hinekan sûretê şêr, hinekan sûretê şehînê, hinekan sûretê ga, hinekan sûretê masî nîşan dane. Bi wê munasebetê ev navana li wan bircan hatine kirin. Lêbelê li gorî nêrîna kozmoxrafyaya vê sedsalê roj nagere. Ew bircana bê kar û betal mane. Ji dêl rojê ve dinya digere. Nexwe, ji dêl wan bircên vale û betal û wan daîreyên jor ên betal ve divê di gera salane ya dinyayê de, bi awayekî