Lem‘eya Çardehemîn

(Du Meqam in. Meqama wê ya pêşî bersiva du pirsan e.)

بِاسْمِهِ سُبْحَانَهُ

* وَاِنْ مِنْ شَيْءٍ اِلاَّ يُسَبِّحُ بِحَمْدِهِ

اَلسَّلاَمُ عَلَيْكُمْ وَرَحْمَةُ اللّٰهِ وَبَرَكَاتُهُ

   Birayê min ê ezîz û sidîq Re’fet Beg,

   Bersiva wan pirsên we yên derbarê ga û masî de di hin Rîsaleyan de heye. Ji bo bersiva wan cûre pirsan di Çiqila Sîsê ya Peyva Bîst û Çarê de, bi navê “Duwanzdeh Esil” qaîdeyên girîng hatiye beyankirin. Her yek ji wan qaîdeyan derbarê te’wîlên têvel ên hedîsên Pêxember de pîvangek in û esasên girîng in ku bedgumaniyên ku bên ser hedîsên Pêxember diqewirînin/def dikin. Mixabin vê gavê hin halên min hene ku ji sunûxatê pê ve nahêlin ez bi meseleyên ilmî ve mijûl bim. Ji ber wê çendê ez nikarim gor pirsa we bersivê bidim. Eger sunûxatê qelbî be ez bi mecbûrî pê mijûl dibim. Hin pirs ji ber ku tewafuqî sunûxatê dikin, bersiv tê dayîn; bila dilê we nemîne. Ji ber hindê, ez nikarim bi awayekî layiq bersiva her pirseka we bidim. De ka ezê bersiveke kurt bidim pirsa we ya vê carê.

   Hûn di pirsa xwe ya vê çarê de dibêjin ku: “Mele dibêjin: Dinya li ser ga û masî ye. Halehal, cografya dibîne ku dinya mîna stêrekê li hewa digere. Ne ga heye û ne jî masî?”   

   Bersiv: Rîwayeteke sehîh a ku îsnadî zatên mîna Îbn-î Ebas (r.) tê