Eke No Parçe Pê Zern û
Elmasî Bêro Nuştiş Layiq o
Belê, senî ke verê cû behsê înan viyarto ke miyanê çengê ey de kerreyê hurdîlekî, zikir û tesbîh kenê, bi sirrê 1‡ÛÖÛA ÕÛÖÛñ˜MÛ ¿ıØ ÕÛÖÛñ˜MÛ
ke eynî çengê ey de kerreyê hurdîlekî û herre, sey top û guleyan, dişmenan ser ra şiyê û ê belawela/tarûmar kerdê, bi nessa 2‡Û ¿à˜bÛ~ˆÛ ¿Ç˜}ÛÜÛ\Ù
ke bi engiştanê xo yê eynî destî, aşme kerda di felqe; û des engiştanê eynî destî ra herikiyayîşê awe û pê awdayîşê yew artêşî; û nêweş û birîndaran rê şîfabiyayîşê eynî destî, helbet nawneno ke o desto mubarek çiqas mûcîzeyêko xarîqa yê qudretê Îlahî yo. Ti vanî qey mabênî heskerdoxan de çengê ey destî, zikirxaneyêko hurdiyo Subhanî yo ke gama kerreyê hurdîlekî zî bidekewê miyan, zikir û tesbîh kenê. Û vera dişmenan, cebxaneyêko hurdîleko Rebbanî yo ke gama kerra û herre zî bikewê ci, benê gule û bomba. Û vera birîndar û nêweşan, eczaxaneyêko hurdîleko Rehmanî yo ke temasî kamcîn derdî bikero, beno derman. Û gama bi celalkî wardeno, aşme parçe keno û şeklê Qabê Qewseynî dano ci. Û gama bi cemalkî agêreno, dekewno hukmê hêniyêk rehmetî ke pê des musluxan awa kewserî herikneno.
Eke tek yew destê yew zatî, wina bibo mezher û medarê mûcîzeyanê wina ecêban, gelo bi hawayêko zipûzelal nêno fehmkerdiş ke o zat, hetê Xaliqê kaînatî de çihende meqbûl o û de’waya xo de çihende sadiq o û ê ke ey destî ser o bîat kenê, do çihende bextewar bibî?