ÎŞARETO YEWENDESIN: Senî ke Îşaretê Desinî, mûcîzeyê Nebewiye yo ke taîfeyê şecere de yo nawna, Îşareto Yewendesin zî, do bêganan de taîfeyê kerra û koyê ke mûcîzeyanê Nebewiyeyî nawnenê îşaret bikero. Ha yo, ma zî do ê nimûneyanê bolan ra hewt-heşt nimûneyan zikir bikerî.
Nimûneyo Yewin: ‘Ellameyê Mexrîb Hezretê Qadiyê ‘Iyaz, Şîfayê Şerîfê xo de, bi senedêko ulwî û sey wayîrê Buxarî îmamanê muhîman ra, bi neqla sehîhe xebere dano ke Xizmetkarê Nebewî Hezretê Îbnê Mes’ûd vano: Reyêk gama ma Resûlê Ekrem ‘eleyhîsselatu wesselamî het de werd werdênê, ma tesbîhanê ey werdî eşnawitêne.1
Nimûneyo Diyin: Bi neqla sehîhe, kitabê sehîhî, Enes û Ebû Zerî ra xebere danî ke: Hezretê Enesî (Xizmetkarê Nebewî) vato ke ma Resûlê Ekrem ‘eleyhîsselatu wesselamî het de biy. Xîçikî girewtî çengê xo; înan destê eyê mubarekî de dest bi tesbîhî kerd. Dima da destê Ebû Bekir- is- Siddîqî; hewna înan tesbîh kerd. Ebû Zerrê Xiffarî, terîqê xo de vano ke dima da destê Hezretê ‘Umerî, hewna înan tesbîh kerd. Dima girewt ‘erdî ser o rona, vindertî. Dima hewna girewt; da destê Hezretê ‘Usmanî; înan hewna dest bi tesbîhî kerd. Dima Hezretê Enes û Hezretê Ebû Zerr vanê ke da destê ma, vindertî.2
Nimûneyo Hîrêyin: Bi neqla sehîhe, Hezretê ‘Elî û Hezretê Cabîr û Hezretê Aîşeya Siddîqa ra sabît o ke ko û kerrayan Resûlê Ekrem ‘eleyhîsselatu wesselamî ra vatêne 3 ¿ÛÇ_ˆÛëÛ İÙ pÛÉÛñ˜ÅÛ ïÛAÕÛ^èÙğÛ ¿$ ı