Ma zî vanê ke “Belê, ey rê îştiyaq, meyl û muhebbet, pê tabîbiyayîşê sunnetê eyê seniyeyî û şerîetê eyê bereqiyayeyî beno.”

Nukteyêko Muhîm: Eke bêro vatiş: Xezweyê Hendekî de, mûcîzeyê teamî/werdî yo ke pê çengêk werdî hezar merdimî biyî mird û mûcîzeyê awe ke, bi awa ke engiştanê Eyê mubarekan ra herikiyaya, hezar û panc sey kesan rê heta mird biyî daya şimitiş, çira sey nê mûcîzeyê nalîna cîz’î, bi şe’şe’a û bi gelek terîqan nêameyo neqilkerdiş? Hal no yo ke, ê her di mûcîzeyî, cematêko ney ra zafêr de qewimiyayî.

Cewabê ey: Mûcîzeyê ke vejiyayî, di qism î. Qismêk tira, seba ke Nubuwwetî bidî tesdîqkerdiş, destê Resûlê Ekrem ‘eleyhîsselatu wesselamî de, yenê îzharkerdiş. Nalîna Ciz’î, no tewir ra yo ke sirf seba tesdîqê Nubuwwetî, sey delîlêk ameyo meydan ke îmanê mumînan bizêdno û munafiqan sewqî îxlas û îmanî bikero û kafiran biyaro îmanî, eşkera biyo. O semed ra, ’ewam û xas, her kesî o hadîse diyo; neşrê ey rê zaf xeyret nawniyayo.

Labelê no mûcîzeyê werdî û mûcîzeyê awe, mûcîzeyî ra zafêr, keramet o, belkî keramet ra zafêr îkram o; belkî îkram ra zafêr ro ser îhtiyacî, ziyafetêko rehmanî yo. O semed ra, her çend de‘waya Nubuwwetî rê delîl o û mûcîze yo; tena meqsedo ‘eslî, artêş veyşan mendo, Cenabê Heq, senî ke yew dendikî ra hezar batman xurmayan xeleqneno, xezîneyê xeybî ra, yew sa’(welçekê hubûbatî ke 1040 dîrhem o) werdî ra, ziyafet dano hezar merdiman. Hem yew artêşo mucahîdo ke teyşan biyo rê, engiştanê ey fermandarê e’zamî ra, awêka sey aw a kewserî dano heriknayîş û şimitiş.

Ha yo, semedê nê sirrî yo ke her yew nimûneyo ke mûcîzeyê werdî û mûcîzeyê awe, nêvejîno dereceyê nalîna ciz’î. Labelê cins û tewirê ê her di mûcîzeyan,