Ayeta kerîm a:
1 ‡ÛïÙâÛ]ˆığÙ pÛÉÛñ˜ÄÙᘠÖıäÛ ¿Ç_ˆÛÜÛDÂı ÖÛÎD ÇıñÙkÛåˆı\ÛúÙÎᘠEıçı
nê hedîseyî beyan kena û îfade kena.
Madem ayete, ey hedîseyî nîşan dana, qet’îbiyayîşê ey de şik nêmaneno. Hem bi duaya Nebewî, nişka ra, lezkanî, hima ke destê xo nêronayî, ameyîşê varanî ke zaf reyan tekrar biyo, bi tena serê xo mûcîzeyêko mutewatir o. Ge-ge camî de, mînberî ser o destê xo berz kerdî, hima ke nêronayî varayo; bi tewaturî ameyo neqilkerdene.2
ÎŞARETO NEWIN: Qismê mûcîzeyanê Resûlê Ekrem ‘eleyhîsselatu wesselamî ra yew zî o yo ke daran, sey merdiman emrê ey goşdarî kerdo û cayê xo ra wariştî ameyî Ey het ke no mûcîzeyo şecerî, sey mûcîzeyê engiştanê Ey ra herikiyayîşê awe hetê me’newî ra mutewatir o.3 Hawayê muteeddîd estî û bi gelek terîqan ameyî.
Belê, şîno bêro vatiş û bi eşkera mutewatir o ke dare, cayê xo ra vejiyaya û ameya ey het. Çunke sehabiyanê namdar ê siddîqîn yê sey Hezretê ‘Elî, Hezretê Îbnê ‘Ebbas, Hezretê Îbnî Mes’ûd, Hezretê Îbnê ‘Umer, Hezretê Ye’le Îbnê Murre, Hezretê Cabîr, Hezretê Enes Îbnê Malîk, Hezretê Bureyde, Hezretê Usame Bin Zeyd û Hezretê Geylan Îbnê Selem, her yew înan ra, bi qet’iyiye eynî mûcîzeyê şecerî xebere daya.
