Nimûneyo Pancin: Sere de Buxarî, Hezretî Bera û Muslîm ra, Hezretî Selemet Îbnê Eqwa û kitabanê bîn ê sehîhan ra, rîwayetkaranê bînan ra, bi muttefîqî/têreyra xebere danî ke:

Xezweyê Xudeybiye de ma raştî yew bîrî ameyî. Ma çar sey kes biy. Awa ey bîrî encax qîmî pancas kesî bikerdêne. Ma awe ante, tede çiyêk nêverda. Resûlê Ekrem ‘eleyhîsselatu wesselam ame, verê fekê bîrî de ronişt. Dewlikêk/Qoweyêk awe waşte; ma arde. Awa fekê xoyê mubarekî dekerde miyanî dewlikî û dua kerd, dima o dewlik verada bîrî. Cade bîr coşiya û awa ey pêserşiye, heta ver fekî pirr bi. Heme artêş, înan û heywananê înan heta ke mird bibî şimite, firaqê xo zî pirr kerdî.¹

Nimûneyo Şeşin:  Hewna sere de îmamê dahî yê hedîsan, yê sey Muslîm û Îbnî Cerîrê Taberî, kitabê sehîhî, bi neqla sehîhe, Ebû Qetade ra xebere danî ke:

Ebû Qetade vano: Xezweyo namdar ê Mûteyî de, şehîdbiyayîşê reîsan ser o, ma şiyên îmdadê/hewariya înan. Mi dir qirbeyêk/metereyêk estbi.  Resûlê Ekrem ‘eleyhîsselatu wesselamî mi rê ferman kerd:

¿ıT˜wÛo˜ pÛÉÛòˆ Û Öñıh˜öÛLÛÅÛ vÛ_ÛñÛÄÙèıÙ ÇÛåÛA àÛFÛBÒ pÛn’ñáÒ

Yanî “Metereyê xo muhefeze bike, karê eyo gird esto.” Dima teyşaniye dest pê kerd. Ma hewtay û di kesî biy. (Goreyê neqla Taberî: “Ma hîrê sey kesî biy.”) Resûlê Ekrem ‘eleyhîsselatu wesselamî va: “Metereyê xo biyare!” Mi ard. Ey zî girewt, fekê ey berd verê fekê xo. Ez nêzana hilmê xo da zereyê ey yan nêda.