Kitaplar
Mûcîzeyê Ehmediye

Nika nê hîrê nimûneyan pêbiresne/biyare têhet, bivîne ka mûcîzeyêko çi hend eşkera yo û eke hîrê terîqî biresê pê, hukmê tewaturê heqîqî de, bi hawayêko qet’î îsbat keno ke engiştanê ey ra awe herikiyaya. Hezretî Mûsa ‘eleyhîsselam ke kerra ra, diwês çime awe sey hêniyî daya heriknayene, nêeşkeno vejiyo dereceyê des engiştanê Resûlê Ekrem ‘eleyhîsselatu wesselamî ra heriknayişî des musluxanî awe. Çunke mumkîn o ke kerra ra awe biherîka; miyanî adiyatê de nazîreyê ey yeno diyene; labelê nazîreyî ke goşt û esteyan ra, awa sey kewsere, bi hawayêko zafî biherîka, miyanî adiyatan de çin a.

Nimûneyo Çarin: Sere de Îmamê Malîk, kitabê xoyo muteber Muwetta de, namdaranê sehabiyan ra yê sey Muaz Îbnê Cebel, xebere dano ke:

Hezretî Muaz Îbnê Cebelî va ke: “Ma Xezweyê Tebûkî de raştî hêniyêk ameyî, sey yew çirre, bi zor herikiyayêne. Resûlê Ekrem ‘eleyhîsselatu wesselamî ferman kerd: “Bineyke aye awe pêserkî.” Înan bineyke miyanê çenganê xo de pêserkerde. Resûlê Ekrem ‘eleyhîsselatu wesselamî pê aye awe dest û riyê xo şutî; ma awe dekerde hêniyî. Nişka ra menfezê hêniyî abi û bi guregur herikiya, qîmê heme artêşî kerd. Hetta Îmamê Îbnî Îsheq ke rawiyêk o, vano: “Awa ey hêniyî, sey vengê virûyî/virsikî bin erdî de veng da û wina herikiyaye.” Resûlê Ekrem ‘eleyhîsselatu wesselamî, Hezretî Muazî rê ferman kerd ke:

ïèÙaıÅÙ ïÛAÖÙqÛAÃÙ ¿ıı˜ jÛAÇÛM˜ EıÅÛ TÛñÛAşÒ ¿Ûı˜ KÛ\’„ ÖÛA ã’ÎåÙâÛA |ÛZ˜ ÖÙÉıõÛ QıâÛAàA

 

Yanî “Aye awa mubareke ke eserê mûcîzeyî ya, do dewam bikero û nê cayan bivurno rez û bexçeyan; eke ‘emrê/temenê to bibo, ti do bivînî.” 1 Û wina biyo.

Hata Bildirim Formu
Sayfalar
123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237
Fihrist
Lügat