1QÛ]Û¿ãÙáÙ ¿$ Ù WÛñ˜\¿ úÛO’ñ\¿
Ha yo, heriknayîşê awe engiştanê mubarekan yê Resûlê Ekrem ‘eleyhîsselatu wesselamî ra ke bi gelek merdiman daya şimitiş, mutewatir o. Cemaetêk wina neqil kerdo ke muhal o ke zure ser o pêbikerî. No mûcîze, xayet qet’î yo. Hem hîrê rey, hîrê cemaetanê pîlan de tekrar biyo. Sere de cemaetêk ehlê sehîh û zaf îmamê sey Buxarî, Muslîm, Îmamê Malik, Îmamê Şueyb, Îmamê Qetade, sehabiyan ra zî, sere de Hezretî Enes ke xadimê Nebewî yo, cemaetêk namdar ê sehabiyan ra yê sey Hezretî Cabir û Hezretî Îbnê Mesûd, bi neqla sehîh a qet’î ameyo beyankerdiş ke engiştanê ey ra, awe bi zafî herikiyaya û daya artêşî şimitiş. Zaf nimûneyanê no tewir mûcîzeyanê maî ra, ma do pê new nimûneyan beyan bikî.
Nimûneyo Yewin: Sere de Buxarî, Muslîm, kitabê sehîhî, Hezretê Enesî ra bi neqla sehîhe xebere danî ke:
Hezretî Enes vano: Ma qasî hîrê sey kesî, cayo bi nameyê Zewrayî de, Resûlê Ekrem ‘eleyhîsselatu wesselamî reyde biy. Emir kerd ke seba nimajê êreyî destnimaj bigîriyo. Awe nêdiyaye. Tena emir kerd ke wa bineyke awe bêra ardiş, ma arde. Destê xoyê mubarekî kerdî tira. Mi dî ke engiştanê ey ra, sey hêniyî awe herikêna. Dima ê heme merdimê ke bin maiyetê ey de biy ameyî, pêrune destnimaj girewt û awe şimite.2
Ha yo, Hezretê Enes, nameyê hîrê sey kesî ser o xebere dano. Ka gelo mumkin o ke ê hîrê sey merdimî,
