¹ ÇÛåÙÎᘠàÛF˜]Ò ïÙ}ÎÛAğÙ ÇÛåÙÎáÙ ¿Ç\ˆÛ¿vıhıñˆÛéÙ

  vato. “Qismêk tira e’dewetê to de do zaf aver şorê, ê zî xarîciyê û qismêk mufrîtê paştgirê (terefarê) Emewiyanê ke tira Nasîbe yeno vatene.

Eke bêro vatene: “Quran ferman keno ke, ganî Alê Beytî rê muhebbet bêro kerdene. Hezretî Pêxember Eleyhîsselatu Wesselamî zaf teşwîk kerdo. Beno ke o muhebbet qandê/seba Şîayan bibo ‘uzr. Çunke ehlê muhebbetî dereceyêke ehlê sekrî yê. Çira Şîayî, xusûsen Rafiziyî, ey muhebbetî ra îstîfade nêkenê? Belkî bi îşaretê Nebewî, ê biyê mehkûmê îfratê muhebbetî.

Cewabê Ey: Muhebbet di qismî yo:

Yew tira: Bi ma’naya herfî, yanî bi hesabê Resûlê Ekrem Eleyhîsselatu Wesselamî ser o, bi nameyê Cenabê Heqî ser o, heskerdişê Hezretî Elî, Hezretî Hesen, Hezretî Huseyn û Alê Beytî ra yo. No muhebbet, muhebbetê Resûlê Ekrem Eleyhîsselatu Wesselamî zêdneno, muhebbetê Cenabê Heqî rê beno wesîle. No muhebbet meşrû yo, îfratê ey zerar nêdano, heddê xo ra nêvejîno, zem û ‘edawetê sewbînan îqtîza nêkeno.

Yê diyin: Muhebbeto ke bi menayê îsmî yo. Yanî raşteraşt înan ra hes keno. Bêyî ke Hezretê Pêxember Eleyhîsselatu Wesselamî biyaro xo vîr, qehremanî û kemaliyê Hezretî ‘Elî û fezîletê berzî yê Hezretê Hesen û Huseynî fikriyeno û hes keno. Hetta eke Homa nêzanibo zî, pêxemberî nêşinasno zî, hewna înan ra hes keno. No heskerdiş, sebebê muhebbetê Resûlê Ekrem Eleyhîsselatu Wesselamî û muhebbetê Cenabê Heqî nêbeno; hem eke îfrat bibo, zem û adawetê yê sewbînan îqtîza keno.