Ê diyin: Bi îmanêk quwetinî, tesdîqê qewmêko koçer û bedewî ke muhîtêko ummî de, cuya cematkî ra û fikranê siyasî ra xalî û bêkitab o û ke tariyanê esrê fetretî de yo û ke zemanêko zaf tayn de, kerdo ke bibo tewr medenî û tewr bi malûmat û milet û hukûmatê ke heyatê sosyal û siyasî de tewr averê rê bibo seyda û rayber û dîplomat û bi hakimê adilî, rojhelat ra heta rojawanî, bi hawayêko cîhanpesendane îdare bikero û cemaeto meşhûr o ke bi nameyê sehabiyan dinya de namdar biyo, bi hawayêk îttîfaqî û bi îmanêko quwetin ke can û malê xo; peder û eşîretê xo pê dano fedakerdiş o.

Ê hîrêyin: Tesdîqê alimanê cigêrayox û mutabahîr (wayirê îlmê xorînî) yê bêhed ke cemaetêko pî o, dereceyê îlmelyeqînî de û bi hawayêko tewafuqî yo û her esrî de bi hezaran ferdê înan estê û her fennî de bi hawayêk dahiyî aver şiyê û meslekanê tewir bi tewiran de xebitiyayê û resayê ummetê ey. Winaw şahîdiya nê zatî wehdaniyetî rê, şexsî û cuz’î niya; belkî şahîdiyêka wina yê pêroyî û kullî ya û nêlerzena û heme şeytanî pêserbê, bi tu hawayî nêeşkenê vejiyê duştê ey û wina hukum kerd.

Ha yo, meymanê dinya ra û raywanê heyatî ke Esrê Seadetî de, aqilê xo reyde seyahet keno, a dersa ke medreseyê nuranî ra girewta, sey îşaretêko kilmî, Mertebeyê Şiyêsin yê Meqamê Yewinî de wina vajiyaya: