Ê newin: Madem pey perdeyî de yew esto ke wazeno bi nê mesnûanê xo yê hunerin û hîkmetinan, huneranê xo û kemalê hunerkariya xo teşhîr bikero û bi mexlûqanê xo yê xemilnaye û zînetinanê bêpeyniyan, wazeno xo bido şinasnayîş û heskerdiş û bi nê nîmetanê xo yê lezetin û erjayeyanê bêhesaban, wazeno ke xo rê hemd û sipas bido kerdene û bi no terbiye û îaşeyo hîmayeyin û şefqetino pêroyî reyde, bi nê ît’amanê Rebbanî û ziyafetê ke hetta bi hawayêk ke her çeşîd zewq û îştîhayê hur û kûr yê fek û ziwanan mird û tatmîn bikero ameyê amadekerdiş, wazeno rûbûbiyetê xo rê bi minnetkarî, muteşekkîrî û perestîşkarî bido îbadetkerdiş û bi teserrûf û îcraetê ezametî û heşmetî û bi fealiyet û xellaqiyetê hîkmetî yê sey vuriyayîşê mewsîman û vurnayîş û îxtîlafê şewe û rojan, ulûhiyetê xo îzhar keno û bi îman û teslîm û înqiyadî, wazeno ulûhiyetê xo rê bido îtaetkerdiş û hetê ra ke her wext hewlî û hewlan hîmaye keno; xirabî û xiraban îzale keno û pê lepatanê asmênî, zalim û zurkeran îmha keno ra, wina aseno ke o wazeno heqaniyet û edaletê xo nîşan bido. Helbet û bê şik, hetî Ey Zatê xeybî, mexlûqê ke tewr zêde tira yeno heskerdiş û ebdê ey o tewr raşt; do o Zat bo ke ê xizmetanê ey ê ke behsê înan ame kerene rê tam xizmet keno û tilsim û muemayê xîlqetê kaînatî hal û keşif keno û timûtim nameyê Ey Xaliqî ser o hereket keno û Ey ra îstîmdad keno û Ey ra muwefeqiyet wazeno û hetê Ey ra beno mezherê îmdad û tewfîqî û ke tira Muhemmedê Qureyşî (‘e.s.w.) yeno vatene!

Hem aqilê xo ra va: Madem nê new heqîqetê ke behsê înan ame kerdene, sidqê nê zatî rê şahîdî kenê; helbet no adem, medarê şerefê benî-adem o û medarê îftîxarê nê alemî yo û zaf layiq o ke Ey rê bêro vatene ke Fexrê Alemî yo û şerefê benî-ademî yo. Û heşmetê seltenetê me’newî