nê zatî rê şahîdiyêka xayet saxlem a. Çunke çi hende sifetê qudsî, mûcîze û wezîfeyê ke raştiye û pêxemberbiyayîşê nebiyan ‘eleyhîmusselamî rê benê medar estê, bi tarîxî museddeq o ke ey zatî de, averêr o. Onaw, senî ke înan bi ziwanê qalî Tewrat, Încîl û Zebûr û suhûfanê xo de, xebere û mizgîne daya merdiman ke do o zat bêro – Ê îşaretanê mizgîne yê kitabanê muqeddesan ra, vîstî ra vêş û qismêk înan ê zaf zahîr, Mektubo Newêsin de, bi weşikî ameyo beyankerdiş û îsbatkerdiş. Wina zî, bi ziwanê halê xo, yanî bi nubuwwetê xo û bi mûcîzeyanê xo, înan no zato ke meslek û wezîfeyê înan de yê tewr aver û yê tewr mukemmel o, tesdîq kerdo, dewaya ey îmze kenê. Û têvet/fehmkerd senî ke bi ziwanê qalî û îcmayê wehdaniyetî rê delîlî kenê, bi ziwanê halî û îttîfaqî, sadiqiya nê zatî rê şahîdiye kenê.
Ê Pancin: Bi hezaran weliyê ke bi dustûranê nê Zatî û bi terbiye û tebaiyetê ey û ke dayo pey ey û şiyê û resayê heq, heqîqet, keramet, keşfiyat û muşahedatan, senî ke wehdaniyetê ey rê delîliye kenê, sadiqiyet û rîsaletê nê zatî rê, ke seydayê înan o, bi îcmayî û îtîfaqî şahîdiye kenê û diy ke ê weliyan, qismêk xeberê ke ey, alemê xeybî ra dayêne, bi nurê welayetî muşahede kenê û heme xeberanê ey, bi nurê îmanî, yan îlmelyeqîn yan zî eynelyeqîn yan zî heqqelyeqîn îtîqad û tesdîq kenê. Pê hesiya ke dereceyê heqqaniyet û sadiqiyetê nê Zatî ke seydayê înan o, sey tîje nawneno.
Ê şeşin: Bi mîlyonan esfiyayê mudeqqîqîn û siddîqînê muheqqîqîn û dahiyê hukemayanê mumînîn ke bi dersa ê heqîqetanê qudsî û îlmê berzî ke ey ê nawnayê, marîfetê Îlahî yo ke ey o keşif kerdo û no zat, bêwende biyayîş reyde zî, bi talîmê ey, mertebeyê îlmî de resayê meqamê tewr berz. Nê heme, senî ke bi delîlanê xo yê tewr quwetinan, wehdaniyetê eyo ke uss-ul esasê dewaya ey o, bîl-îttîfaq