fiqreyêk ê neway û new fiqreyanê Cewşen-ul Kebîrî ke ameyê beyankerdiş ra biewno, do vajo ke mislê Cewşenî bi xo zî çin o.
Hem teblîxê rîsaletî de û wextê dawetê însanî de, dereceyêk wina de metînî, sebat û cesûrî nawnayo ke; dewletê pîlî, dînê pîlî, hetta qewm û qebîleyê ey û datê ey, bi şîdet tedir duşmenî kerdiş reyde zî, bi qasî misqalê zerreyî eserêk teredudî, telaşeyêk, newêrekiyêke nênawnayîşê ey û bi tena serê xo, heme dinya rê meydan wendiş û heqê înan ra zî vejiyayiş û Îslamiyet serê dinya de ronayişê ey îsbat keno ke; teblîx û dawetkerdişî de zî mislê ey nêbiyo û nêeşkeno bibo.
Hem îmanî de quwetêko wina fewqelade û yeqîniyêka wina xarîqa û înkîşafêko wina mûcîzeyin û îtîqadêko wina berz ke cîhanî roşn keno, kirişnayo ke heme fikr û eqîdeyê ke hukumranê ey zemanî biy û hîkmetê hukemayan û îlmê reîsanê rûhaniyan, verba ey muariz û muxalif û munkîr biy reyde zî, ê nêeşkayê tu şikêk, tu tereddudêk, tu zeîfiyêke, tu wesweseyêk ne bidî yeqîniya ey ne îtîqadê ey ne îtîmadê ey û sere de sehabiyê ke mertebeyê me’newî de û mertebeyê îmanî de tereqî kenê, heme ehlê welayet, her wext, înan mertebeyê îmanê ey ra feyz girewto û înan o dereceyo tewr berz de diyo, bîlbedahe nawneno ke îmanê ey zî bê emsal o. Ha yo, fehm kerd ke wayîrê şerîetêko wina bêemsal û Îslamiyetêko wina bêmîsîl û ubûdiyetêko wina xarîqa û duayêka wina fewqelade û dawetêko wina cîhanpesendî (cîhanî rê meydan wendox) û îmanêko wina mûcîzeyinî de, helbet tu hetî ra nêbeno ke zure biba û nêxapîneno û aqilê ey zî no tesdîq kerd.
Ê Çarin: Îcmayê nebiyan, senî ke wicûd û wehdaniyetê Îlahî rê delîlêko xayet quwetin o, wina zî, raştiye û rîsaletê