bi hawayêko tewr belîx, bi wasitayê Quranî, bi tarzêk tewr ehsen de rayberî keno û wezîfeyê xo yê rîsaletiye bi tarzêko tewr kamil îfa keno, hewna bîlbedahe o Zat o.

Ha yo, zîheyato ke miyanê mewcûdan de yê tewr eşref o û zîşiûro ke miyanê zîheyatan de yê tewr şerfin o û însano heqîqî yo tewr şerefin o ke miyanê zîşiûran de yo û tewr eşref o û miyanê însanan de Zato ke wezîfeyanê xo yê viyarteyan, dereceyêko tewr pîl de, bi hawayêko tewr kamil de ano ca; helbet oyo ke do bi mîracêko pîl veciyo Qabê Qewseynî, berê seadetê ebediyî biceno, heqîqetê îmanê xeybî bivîno, hewna do o bibo.

Ê hewtin: Bîlmuşahede nê mesnûan de, tehsînato xayet rindek, tezyînato xemilnaye yê dereceyê bêpeynî de esto. Û bîlbedahe no tehsînat û tezyînato wina, nawneno ke bi Sani’ê înan de, îradeyêko rindek û qesdêko xemilnayeyo xayet şedîd esto. Û herçî îradeyê tehsîn û tezyînî, nawneno ke bîzzerûre bi ey Sani’î de, rexbetêko quwetin û muhebetêko qudsî vera sen’etê ey esto. Û miyanê mesnûan de yê tewr cami’ û oyo ke letîfeyanê senetî pêrune xo de nawneno û pê zano û dano zanayene û xo dano heskerdiş û rindekiyê ke mesnûanê bînan de estê ra vano “Maşallah” û înan îstîhsan keno, bîlbedahe, nezerê ey Saniê hunerperwer û oyo ke senetê xo ra zaf hes keno de, yê tewr mehbûb, do o bibo.

Ha yo, oyo ke duştê meziyet û mehasinê ke mesnûan de beriqnenê rê û letîfe û kemalê ke mewcûdan roşne kenê ra vano “Subhanellah! Maşallah! Ellahu Ekber!” û oyo ke asmênan çingneno û bi naxmeyanê Quranî kaînatî fîneno welweleyî; oyo ke bi îstîhsan û teqdîrî; bi tefekkur û teşhîrî; bi zikir û tewhîdî berr û behrî ano cezbe, hewna bîlmuşahede O Zat o.