Hem Sani’ê nê kaînatî, waşto nê kaînatî, bi çeşîdanê ecêb û bi zînetan xemilnaye virazo û mexlûqanê xo yê zîşûûran, seba temaşe û tenezzuh û îbret û tefekkurî daxîl kerdo û sey muqtezayê hîkmetî, waşto ke manayanê ê berhem û senatan, qîmetê înan, bi ehlê temaşe û tefekkurî bido zanayene. Vera nê waştişê ey, êyê ke bi hawayêko tewr e’zam bi wasîteyê Quranê Hekîmî, cin û îns rê û belkî heta rûhaniyan û melayketan rê rayberî keno, hewna bilbedahe o Zat o.

Hem Hakîmê Hekîmê nê kaînatî, wazeno tilsimê muxleqê ke meqsed û xayeyê vurnayîşanê nê kaînatî de estê û muemmayê nê hîrê persê zorî yê mewcûdanê ke “Kamca ra yenê? Şonê kamca? Û çi yê?” bi wasitayê qasidêk, heme zîşuûran rê bido akerdene. Vera nê waştişê Ey, yê ke bi wasîteyê heqîqetanê Quranî, bi hawayêko tewr eşkera û dereceyêko tewr pîl de, ê tilsiman akeno û ê muemmayan hal keno, hewna bîlbedahe o Zat o. 

Hem Sani’ê Zulcelalê nê alemî ke bi heme mesnû’anê xo yê rindekan, êyê ke zîşiûrê xo dano înan şinasnayiş û bi nîmetanê erjayeyan xo bi înan dano heskerdiş, bi hawayêko zerûrî muqabilê ey de, zîşiûran rê merziyatanê xo û waştişanê xo yê Îlahî, wazeno bi wasitayê qasidêk xebere bido; vera nê waştişê ey, oyo ke bi hawayêko tewr berz û tewr kamil, bi wesitayê Quranî, ê merziyat û waştişan beyan keno û ano, hewna bîlbedahe o Zat o.

Hem Rebb-ul alemîn, seba ke yew hîrayiya qabîliyetî ke şêno alemî bigîro zerreyê xo, dayo însanî, ke meyweyê alemî yo, û seba ke Ey, însan ubûdiyetêko kullî rê îhya kerdo û seba ke merdim, hetê hîsanê xo ra mubtelayê kesret û dinya yo, waşto ke bi wasitayê rayberêk, riyê înan kesretê ra bivurno wehdetî ser; faniyiye ra bivurno baqiyiye ser. Vera nê waştişê ey, êyê ke dereceyê tewr pîl de,