Ulûhiyet ke muqabilê, bi muqtezayê hîkmetî, tezahurî wazeno, dereceyo tewr pîl de, Zatê Ehmediye (e.s.w.), bi ubûdiyetê dînê xo de, bi hawayo ke dereceyo tewr nuranî de yo nawnayo.

Hem muqabilê/berdêlê waştişê nawnayîşê cemalê Xaliqê alemî ke bêpeynî yo, pê yew wasita bi muqtezayê hîkmet û heqîqetî reyde, bi hawayêko tewr rind de nawnayox û tarîfkerdox, ‘eyan beyan hewna o Zat o.

Hem muqabilê Sani’ê alemî ke, wazeno nezerê dîqetan bido ser kemalê sen’etê xo yo ke cemalî de bêpeynî yo û wazeno teşhîr bikero, oyo ke bi vengo tewr berz delîlî keno, hewna bilmuşahede o Zat o.

Hem muqabîlê Rebbê temamê aleman, wazeno ke tebeqayanê kesretî de, wehdaniyetê xo îlan bikero, oyo ke dereceyo tewr pîl de heme mertebeyanê tewhîdî îlan keno, hewna bizerûrî o Zat o.

Hem muqabilê wayîrê alemî ke, wazeno bi îşaretê cemalê eseranê xo yê bêpeynî de, husnê zatê xo yê bêpeynî û mehasînê cemalê xo û letîfeyanê husnê xo, sey muqtezayê heqîqet û hîkmetî, lîlikan ser o bivîno û nîşan bido, oyo ke bi hawayêko tewr şe’şe’eyî ayînedarî keno û nîşan dano û hes keno û bi yê bînan dano heskerdiş, hewna bîlbedahe o Zat o.

Hem muqabilê Sani’ê/senetkarê na seraya alemî ke, wazeno bi mûcîzeyanê xayet xarîqayan û xezîneyanê xo yê xeybî yê ke heta vanî bes bi cewheranê erjayeyan pirrkerde yê, îzhar û teşhîr bikero û bi ê kemalanê xo tarîf bikero û bido zanayene, bi hawayêko tewr pîl yê teşhîrwan, tewsîfwan û tarîfwan, hewna bi eşkerayî o Zat o.