Kitaplar
Mûcîzeyê Ehmediye

Temamê mahiyet û heqîqetê kemalê ey zatê mubarekî ke encamê nê kaînatî yo û meyweyê eyo tewr mukemmel o û tercuman û heskerdeyê Xaliqê Kaînatî yo, ê hal û tawrê ey ê beşerî ke dekewtê tarîx û siyerî, tede ca nêgînî. Mesela: Zatêko mubarek ke Xezweyê Bedirî de, Hezretê Cebraîl û Mikaîl, sey hukmê di yawerê muhafizan de hetê Ey de bî,1 miyanê sukî de, erebêko bedewî reyde, seba erînayîşê estorî munazaa kerdene, bi şahidnawitişê Huzayfeyî ke yew tek şahid o, miyanî ê têgerê/ tewrê Eyê ke asenî,2 de ca nêgînî.

Ha yo, semedo ke merdim xelet nêşîro; ganî o şexsiyetê eyo me’newiyo nuranî ke her wext, bi hesabê mahiyetê xoyê beşerî, miyanî ê wesfanê normalî ke yenî hesnayene de, sereyê xo werazno û mahiyeto heqîqî û şexsiyeto nuranî û me’newî yo ke mertebeyê rîsaletî de vinderte yo ra biewnî yo. Nêke, ya bêhurmetiye keno yan zî dekewno şubhe û şikî. Qandê îzahê na sirre, nê nimûneyan bigoştare:

Mesela dendikê (bezreyê) yew xurma estbo. O dendikê xurma bierziyo binê herre û abibo, bibo yew dara meyweyina xişne. Hem her ke şino hera bena, bena girde. Yan zî yew hakê milçika tawûsê estbi. Germiye amey ey hakî ro dayene. Yew lîçika tawûsê tira vejiyaye. Dima biye tam mukemmele, her hetê aye qudret ra nuşteyine û yaldizine milçikêka tawûsê. Hem her ke şi hîna bena girde û rinde. Nika hal û sifetî ke ayîdê ê hak û dendikî yê estî. Tede maddeyê tenikekî estî. Hem dare û milçika ke ey ra hasil biyî zî, nîsbetê keyfiyet û waziyetê adî û qitek ê ey dendik û hakî, pîl û alî sifet û keyfiyetê înan estî. 

Hata Bildirim Formu
Sayfalar
123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237
Fihrist
Lügat