Ey zî xebere daya. Hem hedîseyê rindî qismêk bi kilmekî, qismêk zî bi tefsîl erşawiyayî. Ey zî xebere daya. Xeberê ey zî, ê muheddîsê kamîlî ke dereceyêko tewr berz ê teqwa de yî, ê ke ‘edalet û sidqî de xebitênî û tehdîdo ke hedîsa

وَمَنْ كَذَبَ عَلَىَّ مُتَعَمِّدًا فَلْيَتَبَوَّاْ مَقْعَدَهُ مِنَ النَّارِ

de ra bi şîddet tersenî û tehdîdo şîddetino ke ayeta

فَمَنْ اَظْلَمُ مِمَّنْ كَذَبَ عَلَى اللّٰهِ

de yo ra, bi şîddet remenî, hawayêko sehîh ma rê ê xeberî neqil kerdî.

   Esaso Şeşin: Hal û wesfê Resûlê Ekrem ‘eleyhîsselatu wesselamî, bi sûretê tarîx û siyerî ameyê beyankerdiş. Labelê ê wesf û halê xalibî, beşeriyetê ey ra ewniyenî. Halbukî/hal no yo ke, şexsê me’newî û mahiyetê qûdsî yê ey zatê mubarekî, hende berz û nuranî yî ke; ê wesfê ke siyer û tarîxî de beyan biyî, ey qametê berzî rê minasîb nînî, ey meqamê berzî rê muwafiq nêkewenî. Çunke bi sirrê

اَلسَّبَبُ كَالْفَاعِلِ

î: Her roj, hetta nika zî, henda/qasê heme îbadetê ummetê xo, îbadetêko ‘ezîm îlaweyê defterê kemalatê ey beno. Senî ke bi hawayêk bêpeynî, bi qabîliyetêk bêpeynî, mezherê rehmetê îlahî yê bêpeynî beno, o tewir her roj, mezherê duayanê bêhed ê ummetê xoyê bêhed beno.