Hetta eke to ra vajiyo: “Ti nîmeyê emrê xo û nîmeyê malê xo bidî, “aşme” ra û “Jupîtere” ra yew yeno; aşme de û Jupîtere de çi esto çi çin o, do to bi hal û hewalê înan hayîdar bikero. Hem îstiqbalê to û rojanê verniya to de do çi bêro sereyê to, do bi hawayêko raşt to ra vajo. Eke mereqê to bibo, ti do bidî. Hal no yo ke no zat, xeberanê sultanêk wina dano ke memleketê ey de aşme, sey yew meyesa ke dormareyê perwaneyî de gêrena ya. O perwaneyo ke o, erd o zî, dormareyê yew lamba de perwaz keno û a lambaya ke tîj a zî, yew meymanxaneyêk de yê bi hezaran menzîlanê ey sultanî ra, miyanî bi hezaran çilayan de, yew lambaya ey a. Hem alemêk wina ecêb, bi hawayêk heqîqî behs keno û inqilabêk û şoreşêk wina ra xebere dano ke bi hezaran kureyê erdî bibî bombe, biteqî, ehende ecêb nêbeno. Biewne, ziwanê Ey de sûreyanê sey:

¹¿ıÃÛ¿ ¿ÇbˆÛܘ`Ù úÙèıˆÕÛ∆˜  @ ¿ıÃÛÛÛÛ¿ ¿Ç_ˆÛÜÛDÂÙ ¿à˜wÛkÛ\Û∆˜ @ ¿Ûǘ}ÛAÕıpÛéÙ

 bieşnawe.

Hem şoreşêk wina ra, bi hawayêk raşt xebere dano ke no îstîqbalê dinya, nîsbetê ey rê, sey dalpeyêka serabî ya. Hem seadetêke wina ra, bi hawayêko ciddî xebere dano ke heme seadetê dinya, ey ver de, sey nîsbetê berkê zaîl o ke nîsbetê şemsê sermedê yo.

REŞHAYA YEWENDESINE: Binê perdeyê zahirî yê nê kaînatî de, wina ecêb û muemme-alûd helbet û helbet wina çiyê ecêbî pawebê ma yê. Yew zato wina xarîqa û fewqelade mûcîz-numa lazim o ke bi nê çiyanê ecêban xeberdar bido ma. Hem şiyayîşê nê zatî ra aseno ke: Ey, diyo û vîneno û çiyê ke vîneno vano. Hem no Îlahê erd û asmênî ke bi nîmetanê xo ma perwerde keno, ma ra çi wazeno?