Hima gelek îcraetê xarîqe yê sey nînan virazeno. Ha yo, ma Cezîret-ul Erebî, dekenî miyanê çimanê înan ê ke ‘Esrê Seadetî nêvînenî! Haydê wa bi sedan feylesofan bigîrî, şîrê wêra, wa se serrî bixebitê. Se ra yewî ke ey zatî, o wext miyanî yew serre de kerdo, ê şênê bikî gelo?

REŞHAYA NEWINE: Hem ti zanî; Merdimêko qij, pê qiymetêko qij, cematêko qij de, meseleyêka qije ser o, yew dewaya munazereyine de, bê hîcab, bê perwa, labelê şermker, duşmenanê xo het de, hawayêk hîleyê xo nêdo înan hîskerdene û bê xem û telaşeyî, nêeşkeno zurêka qije vajo. Nika biewne nê zatî ra; vateyanê ke o wezîfeyo zaf pîl de, sey wezîfedarêk zaf pîlî, bi heysiyetêko zaf pîl, yew halo ke muhtacê emniyetêko zaf pîl o zî, cemaetêko zaf pîl de, meseleyanê gelek pîlan ser o, dawayêka wina zaf pîl de, pê serbestiya zaf pîle, bê perwa, bê teredut, bê hîcab, bê telaş, pê safiyêka semîmî, pê cidiyetêko pîl, bi hawayêko şedîd û ulwî ke pay reya û damaranê xasimanê xo bikero de vano, înan de qet xîlaf beno? Hîç mumkun o ke hîle bikewo miyan? Esla!

¹¿ıı˜ ãÙèÛ ¿ıºˆÛ ‡ÛT˜òÒ ïèÙT’ò

 Belê, heq, nêxapîneno, heqîqetşinas, nêxapiyeno. Meslegê eyo ke heq o,  hîleyî ra mustexnî yo. Çimanê eyê heqîqetvînan rê, çi heddê xeyalî esto ke sey heqîqetî biaso, bixapîno?

REŞHAYA DESINE: Ha yo biewne! O, çende mereqawer, çende cazîbedar, çende bi lizûmî, çende bi dehşet heqîqetan nawneno û meseleyan îsbat keno. Ti zanî ke, çiyo tewr zêde ke merdimî tehrîk keno, mereq o.