Nika biewne! O matemxaneyo umûmî pê o nuro ke o weşaneno, miyanî şewq û cezbeyî de vuriya yew zikirxaneyî. Ê mewcûdê biyanî û duşmenî, biyê sey dost û birayan. Ê bêganê merdeyê bêvengî, her yew înan ra kewt weziyetê memûrê mûnîs û xizmetkarê musexerî. Ê sêkurê bermînok û gerrekerdoxê bêkesî, her yew tira kewt sûretê zakirê ke tesbîhan miyan de yê, yan zî kewtê paydosê wezîfeyî û şikir kenê.
REŞHAYA PANCINE: Hem ey nurî reyde, têwgêrayîşî, çeşîdî, vuryayîşî, bediliyayîşê ke kaînatî de yî, bêmanayiye ra û bêfaydeyiye ra û pêkaykerdişê tesadufî ra vejiyayê û her yew tira resa mertebeyê nameyanê Rebbanî, rîpelê ayetanê tekwînî, lîlikê esmayê Îlahî û her yew alemêk bi xo zî, vejiyayê mertebeyê kitabêk hîkmetê Samedaniyî.
Hem ze’îfiye û eczo bêhed û feqîriye û îhiyacî ke merdimî fînenê cêrê heme heywanan û aqlê merdimî ke merdiman heme heywanan ra bêbextêr keno û neqla xemgînî ra, elem û xemî rê wasitayiye keno, wexto ke pê ey nurî beno nurin, merdim vejîno dereceyê raserî heme mexlûqan. Bi ey ecz û feqrî û bi ey aqlî ke biyo nur anî, beno sultanêko nazenîno niyazdar û bi fîzar beno xelîfeyêko nazdar ê zemînî. Onaw eke o nur çin bo, kaînat zî, merdim zî, heta her çî zî, keweno derekeyê hîçiye. Belê, helbet kaînatêko wina bedî’ de, zatêko wina lazim o. Nêkela ganî kaînat û eflakî çin bibêne.
REŞHAYA ŞEŞINE: Ha yo O Zat, seba ke mûxbîr û mizgîndanê seadetêk ebedî û kaşif û îlankenê rehmetê bêpeynî û tellalê mehasînanê seltenetê Rubûbiyetî û keşşaf û nawitoxê hezîneyanê esmayê Îlahî yo, eke ti wina biewnî, yanî hetê ubûdiyetê ey ra, ti do bivînî ke o,