Ha yo, emsalê ke Mehdiyê Pîlîra ver ameyî, wesfê xelîfeyê mehdiyyîn û qutbên mehdiyyînî ke numûneyê ey î, kewtê miyanê wesfanê Mehdiyê esilî û o semed ra rîwayetî kewtî têmiyan.
Esaso Pancin: Resûlê Ekrem ‘eleyhîsselatu wesselamî, goreyê sirrê
لَا يَعْلَمُ الْغَيْبَ اِلَّا اللّٰهُ
î xo bi xo xaybî nêzanaynî; belkî Cenabê Heqî daynî ci zanayene, Ey zî daynî zanayene. Cenabê Heq hem Hekîm o hem Rehîm o. Hîkmet û Rehmetê ey zî îqtîza keno ke, ê karê xeybiyan ra zafî mûnîk/nimite bimanî. Çunke, na dinya de çiyê ke weşbê merdimî nêşinê hîna zaf î. Qewimiyayişê înan ra ver zanayişê înan elîm o. Semedê nê sirrî yo ke, merg û ecel mûnîk (mubhem) veradiyayo, û musîbetê ke do bêrî sereyê merdiman zî, pey perdeyê xaybî de mendî. Ha yo, semedo ke hîkmetê Rebbanî û rehmetê Îlahî wina îqtîza keno, seba ke merhameto zêdeyo hessas yê Resûlê Ekrem ‘eleyhîsselatu wesselamî ke nîşanê aîle û ummetê xo keno zêde rencîde nêkero û seba ke o şefqetê eyo şedîd ke aîle û eshabê xo rê kerdêne zaf nêdecno, hedîseyê dehşetinî ke wefatê nebiyî ra pey ameyê seredê aîle, sehabe û ummetê ey sero, bi pêroyî û bi tefsîlat nênawitiş (Haşiye) îqtîzayê hîkmet û rehmetî yo. Labelê hona/reyna zî, seba tay hîkmetan, hedîseyê muhîmî,-la hawayêko bi dehşet nê- talîmê ey kerdo.